ტურიზმის ეროვნული ადმინისტრაციის ინფორმაციით, 11 თვეში საქართველოს 5 864 684 საერთაშორისო მოგზაური ეწვია, რაც წინა წლის ანალოგიურ პერიოდთან 7.9%-ით მეტია.

რაც შეეხება იმ მოგზაურებს, რომლებმაც ქვეყანაში 24 საათი და მეტი დაჰყვეს იანვრიდან ნოემბრის ჩათვლით რაოდენობამ 2 536 791 შეადგინა და ზრდა 19.3%-ია.

ტურიზმის ეროვნული ადმინისტრაციის დირექტორის გიორგი ჩოგოლაძის განცხადებით, 2016 წლის იანვარ-ნოემბრის პერიოდში ყველაზე მეტი ვიზიტი აზერბაიჯანიდან, სომხეთიდან, თურქეთიდან, რუსეთიდან და უკრაინიდან შედგა.

იანვარ-ნოემბერში პოზიტიური ტენდენცია ნარჩუნდება, ევროკავშირის წევრი ქვეყნებიდან: ლატვია +25.6%, ჩეხეთი +15.6%, ლიტვა +15%, გერმანია +9.4% და პოლონეთი +6.5%.

განსაკუთრებული ზრდა ფიქსირდება შემდეგი ქვეყნებიდან: ირანი 494%, ინდოეთი +216%, საუდის არაბეთი +118%, ჩინეთი +44%, ისრაელი +56.7%, ყაზახეთი +33.8% და ბელარუსი +29.7%.

2016 წლის ნოემბრის თვის  მონაცემებით,  საქართველოს 458, 496  საერთაშორისო მოგზაური ეწვია, რაც 22,196-ით მეტია  წინა წლის  ანალოგიურ პერიოდთან შედარებით (ზრდა +5.1%).

ნოემბრის თვის მაჩვენებლით იმ უცხოელი მოგზაურების, ანუ  ტურისტების რიცხვმა, რომლებმაც 24 საათი  და მეტი  დაჰყვეს საქართველოში  164, 440 შეადგინა, რაც  20, 265-ით მეტია 2015 წლის ნოემბრის  მაჩვენებელზე (ზრდა +14.1%).

2016 წლის ნოემბერში ყველაზე მეტი ვიზიტი  სომხეთიდან, აზერბაიჯანიდან, თურქეთიდან, რუსეთიდან და უკრაინიდან განხორციელდა.

ევროკავშირის ქვეყნებიდან განსაკუთრებული ზრდა დაფიქსირდა შემდეგი ქვეყნებიდან: ლიტვა +71%, პოლონეთი +49%, გერმანია 32%, საფრანგეთი +24% და გაერთიანებული სამეფო +20%.

მნიშვნელოვნად გაიზარდა  საერთაშორისო მოგზაურთა რაოდენობა შემდეგი  სახელმწიფოებიდან:  ირანი +487%, საუდის არაბეთი +183%, ინდოეთი +133%, ჩინეთი +112%, უზბეკეთი +112% და  ბელარუსი +30,5%

2015 წლის  ჯამური მონაცემებით შემოსავალი  უცხოური ტურიზმიდან  საქართველოში შეადგენდა 1.94 მილიარდ დოლარს (ზრდა +8.3%), რაც 149 მილიონით მეტია წინა წლის  ანალოგიურ მაჩვენებელზე.

2016 წლის ორი კვარტლის მონაცემებით შემოსავალი  უცხოური ტურიზმიდან საქართველოში შეადგენს  867.9 მილიონ დოლარს (ზრდა +13.2), რაც 101 მილიონით მეტია წინა წლის ანალოგიურ მაჩვენებელზე.

ტურიზმის წილი მთლიან შიდა პროდუქტში 2015 წლის  ჯამური მონაცემებით შადგენს  6.7%-ს. ზრდა წინა წელთან შედარებით +16.1%-ია.

2016 წლის ორი კვარტლის ჯამური მონაცემებით კი წილმა მთლიან შიდა პროდუქტში 7.1% შეადგინა. ზრდა წინა წლის  ანალოგიურ პერიოდთან შდარებით +8.1%.

2016 წლის ოქტომბრის მონაცემებით საერთაშორისო მოგზაურების მიერ უცხოური საგადასახადო ბარათებით განხორციელებულმა ოპერაციებმა 159,102 ათასი ლარი შეადგინა, წინა წლის ანალოგიურ მაჩვენებელთან შედარებით +11.1%-იანი ზრდა დაფიქსირდა.

2016 წლის ათი თვის მონაცემებით საერთაშორისო  მოგზაურების მიერ უცხოური საგადასახადო ბარათებით განხორციელებულმა ოპერაციებმა 1, 351, 403 ათასი ლარი შეადგინა, წინა წლის ანალოგიურ მაჩვენებელთან შედარებით +11.9%-იანი ზრდა დაფიქსირდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Economist - უკრაინამ სამი წლის განმავლობაში პირველად აიღო ინიციატივა ფრონტის ხაზზე

ზურაბიშვილმა ახალ პატრიარქს მოუწოდა, შეიწყალოს ყველა სინდისის პატიმარი

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა