2016-12-01 13:22:30, 1359 ნახვა

---

ლევან დავითაშვილი: სამინისტროს ბიუჯეტში ყველა ის პროგრამაა შენარჩუნებული, რომელიც განვითარებაზეა მიმართული

„მთავრობასთან ჩვენ შევთანხმდით, რომ ყველა ძირითადი პროგრამა, რომელიც სოფლის მეურნეობის განვითარებისკენ არის მიმართული, შენარჩუნებული იქნება“,-ამის შესახებ სოფლის მეურნეობის მინისტრმა ლევან დავითაშვილმა ჟურნალისტებს განუცხადა.

მინისტრის თქმით, ბიუჯეტის განხილვები მთავრობაში შედგა და საბოლოო ვარიანტი შეჯერებულია.

„სოფლის მეურნეობის სამინისტროს ბიუჯეტში შენარჩუნებულია ყველა ის პროგრამა, რომელიც განვითარებაზეა მიმართული. პროგრამა,რომელიც ეხებოდა მცირემიწიან ფერმერთა მხარდაჭერას  დროებითი იყო, სამ წლიანი პროგრამას  ემატება მეოთხე წელიც,  ასე რომ ვინარჩუნებთ ინფრასტრუქტურულ სამუშაოების, სამელიორაციო სამუშაოებს, აღდგენით-სარეაბილიტაციო სამუშაოებ. ,ვინარჩუნებთ მხარდაჭერისა და განათლების პროგრამებს, შემცირებულია აპარატის, საოპერაციო და ადმინისტრაციული ხარჯები“,-განაცხადა ლევან დავითაშვილმა.

მანვე აღნიშნა, რომ სამინისტროს ბიუჯეტი 257 მილიონ ლარს შეადგენს.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი