27 მარტს, 13:00 საათზე ხელნაწერთა ეროვნულ ცენტრში თამარ მეფის კუთვნილი ე.წ. „ვანის ოთხთავი“  რესტავრირებული ყდით  გამოფინება.

გამოფენა ცენტრის ილია აბულაძის საგამოფენო დარბაზში რამდენიმე საათი გაგრძელდება, სადაც საზოგადოებას საშუალება ექნება, ნახოს მისი ყდის ძველი და ახალი მდგომარეობა, ასევე შეაფასოს შესრულებული სამუშაო.

როგორც ხელნაწერთა ეროვნულ ცენტრში აცხადებენ, „ვანის ოთხთავის“ ყდის შეცვლა 2014 წელს, ადვოკატ ზვიად კორძაძის ფინანსური მხარდაჭერით, ცენტრის რესტავრაციისა და კონსერვაციის ლაბორატორიის თანამშრომლების მიერ მოხდა, ვინაიდან 70-იან წლებში არასწორი ტექნიკით შესრულებული  ყდა იწვევდა ხელნაწერის დაზიანებას. 

ვანის სახარება მეფე თამარისათვის მისივე დაკვეთით შეიქმნა. გაფორმების ხარისხითა და შესრულებით  იგი ერთ-ერთი უპირველესთაგანია და  გამორჩეული ,,საზეიმო’’ ხელნაწერებს შორის. გადაწერილია მაღალი ხარისხის თეთრ ეტრატზე  ნუსხურით, უხვადაა გამოყენებული ოქრომელანი. შემკულია მდიდრული კამარებით, თავსამკაულებით, სახარებათა თავების დასაწყისში წარმოდგენილია ორიარუსიანი მინიატურები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა