„მინისტრთა კაბინეტში ძირითადად ეკონომიკური გუნდის განახლება მოხდა, ეს მთავრობა თვისობრივად არ განსხვავდება იმ მთავრობისგან, რომელიც არჩევნებამდე იყო“,-ამის შესახებ ექსპერტმა პოლიტიკურ საკითხებში ვახტანგ ძაბირაძემ „ექსპრესნიუსს“   მინისტრთა კაბინეტის ახალ შემადგენლობასთან დაკავშირებით განუცხადა.

ექსპერტის შეფასებით, მთავრობა თუ იმავე სტილში გააგრძელებს ფუნქციონირებას, როგორც ოთხი წლის წინ, რაიმე მნიშვნელოვანი შედეგი მოსალოდნელი არ არის.

„მინისტრთა კაბინეტში მოხდა განახლება და ძირითადად  ეკონომიკური გუნდის. ეს მთავრობა თვისობრივად არ განსხვავდება იმ მთავრობისგან, რომელიც არჩევნებამდე იყო. ეკონომიკურ გუნდში გადაჯგუფებები  უფრო მგონია, რომ გამოწვეულია ორი მიზეზით. ერთი რომ ეკონომიკური ვითარება არცთუ ისე სახარბიელოა ქვეყანაში და განახლებული გუნდი მაინც მიანიშნებს იმაზე, რომ ეს გუნდი უკეთ იმუშავებს. მეორე, როგორც ჩანს კვირიკაშვილისთვის მთავრობის ის შემდგენლობა რაც დღეს არის უფრო კომფორტულია. სხვა უფრო ღრმა და თვისობრივ ცვლილებებს  მთავრობის მოქმედებაში და არა პერსონალურ შემადგენლობაში ვერ ვხედავ. არამგონია, რომ ამ პერსონალიებით თუ მთავრობა იმავე სტილში გააგრძელებს ფუნქციონირებას, როგორც ფუნქციონირებდა 4 წლის განმავლობაში რაიმე მნიშვნელოვან შედეგს მივაღწიოთ. ვნახოთ  მთავრობა საქმიანობას როგორ წარმართავს  და უახლოეს მომავალში კონტურები თუ არა რაღაც  სიმპტომები მაინც  გაჩნდება“,-განაცხადა ვახტანგ ძაბირაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში