„უპირველეს ყოვლისა შემოთავაზებულ მთავრობას ახალს ვერ  დავარქმევ, რადგან  წინა მთავრობის შემადგენლობიდან პრაქტიკულად 10%-ია შეცვლილი“,-ამის შესახებ დამოუკიდებელ ექსპერტთა კლუბის პრეზიდენტმა სოსო ცისკარიშვილმა  მთავრობის ახალ შემადგენლობასთან  დაკავშირებით „ექსპრესნიუსთან“ საუბარში განაცხადა.

ექსპერტმა  მეცხრე მოწვევის   პარლამენტის სხდომებსა და დეპუტატებზე ისაუბრა.

ცისკარიშვილის შეფასებით, ახალი საპარლამენტო პროცესი მიუღებელი ფრაზეოლოგიით და ზეწოლის მცდელობით დაიწყო.

„როდესაც პარლამენტში მიმდინარე სხდომებს თვალყურს ვადევნებთ, საერთოდ გვავიწყდება    რაიმე მნიშვნელობა აქვს თუ არა ამა თუ იმ მთავრობას ჩვენს ქვეყანაში. გამომდინარე იქიდან, რომ ასეთი უზრდელობა და ასეთი ზნედაცემულობა, რისი მოწმენიც ამ დღეებშიც გავხდით და რამაც  სულ ცოტა 2012 წლის ოქტომბრისკენ გადაგვისროლა. ასეთი უეცარი თავდასხმით,  სრულიად მიუღებელი ფრაზეოლოგიით და ზეწოლის მცდელობით კვლავ იწყება ახალი საპარლამენტო პროცესი.რისი იმედი უნდა გვქონდეს მაშინ როდესაც განვლილი 4 წლის განმავლობაში, ყოფილი პარლამენტის ძირითადი საქმიანობა იყო ორი ძირითადი პოლიტიკური ძალის ურთიერთ ლანძღვა-გინება. განვლილი ოთხი წლის განმავლობაში ჩვენი ქვეყნის უკეთესი პერსპექტივისთვის  არანაირი სიმშვიდე და რაიმე აკადემიური სივრცე გონივრული ნაბიჯების გადასადგმელად  არ დაგვინახავს. ძალიან საგანგაშოა ის ფაქტი, რომ სწორედ 2012 წლის პარლამენტის მიმდევარია ამ მიმართულებით დღევანდელი პარლამენტიც“,-განაცხადა სოსო ცისკარიშვილმა.

როგორც  ექსპერტმა აღნიშნა,  „ქართულ ოცნებას“ და „ნაციონალურ მოძრაობას“  ჰყავს ლიდერი, რომელთაც დანარჩენმა წევრებმა უნდა მიბაძოს.

მისივე თქმით, გიორგი კვირიკაშვილის და  დავით ბაქრაძის  ერთმანეთისგან განსხვავებული  ხედვა, არ ნიშნავს იმას რომ  რომელიმე მათგანი  ქვეყანას ვნებს.  

„ვერა და ვერ მოახერხა სახელისუფლებო საპარლამენტო შემადგენლობამ, რომ რაიმე სახის სხვა სცენარი შემოეთავაზებინა მათ მიმართ ზღვარგადასული და ბევრ შემთხვევაში უსაფუძვლო თავდასხმის გამო. ერთადერთი ჩემთვის მისაღები ის გახლავთ, რომ ორივე პოლიტიკურ ძალას გააჩნია საკუთარი ლიდერი, რომელთაც უნდა მიბაძონ დანარჩენმა წევრებმა. ვგულისხმობ გიორგი კვირიკაშვილს და დავით ბაქრაძეს. ეს ორი ადამიანი განსხვავებული შეხედულებების, რომ არიან, არაფრით არ ნიშნავს, რომ რომელიმე მათგანი  ქვეყანას ვნებს.  მათ აკადემიზმი, შინაგანი კულტურა და სრულიად მისაღები ტერმინოლოგია გააჩნიათ. თუ კვლავ ჩამოვყალიბდით ისეთ სტრუქტურად, რომ მხოლოდ ერთმანეთის ლანძღვაში ხედავენ გამოსავალს, მაშინ არ გაგვიკვირდეს, რომ სწორედ საქართველოზე იქნას მორგებული ის ანდერძი, რომელიც ვინსტონ ჩერჩილმა  შთამომავლობას დაუტოვა.  მან ბრძანა “როდესაც იწყება კამათი აწმყოსა და წარსულს შორის, ჩვენ აღმოვაჩენთ , რომ დავკარგეთ მომავალი“,-განაცხადა ცისკარიშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა