ბოლო მონაცემებით, ამერიკის შეერთებული შტატების არჩევნებში  დონალდ ტრამპი ლიდერობს.  კერძოდ, ერთ-ერთი მედიასაშუალების ინფორმაციით, მას გამარჯვებამდე  კოლეგიის 6 ხმა აკლია.

„ექსპრესნიუსი“ საგარეო პოლიტიკის საკითხებში ექსპერტ სოსო ცინცაძეს  გაესაუბრა.  ცინცაძის აზრით, ჯერჯერობით არ შეიძლება ცალსახად იმის თქმა, რომ ტრამპი იმარჯვებს, ვინაიდან ეს მხოლოდ წინასწარი მონაცემებია.

მისივე განმარტებით, ამერიკის არჩევნებს მსოფლიო პრაქტიკა არაერთი სიურპრიზით გაუმდიდრებია, რის გამოც  ყველაფერი მოსალოდნელია. ექსპერტის შეფასებით, ტრამპსა და კლინტონს შორის განსხვავება ისაა, რომ კლინტონს გამარჯვების ერთი შანსი, ხოლო ტრამპს უამრავი შანსი აქვს:

„კლინტონის გამო ჯერ პანაშვიდს ნუ ვიხდით. უნდა დაველოდოთ პენსილვანიას. დიდ შტატს. თუცმა, ტრამპმა ფურორი მოახდინა. მაგრამ ყველაფერი მოსალოდნელია. გავიხსენოთ 2002 წელი, მაშინ საერთო აღიარებით,  ელ გორმა გაიმარჯვა. ყველამ მიულოცა გორს. ბუშმაც მიულოცა გორს. შემდეგ გაირკვა, რომ ბუშმა გაიმარჯვა, შემდეგ ისევ გაირკვა, რომ გორმა გაიმარჯვა და ასე იყო 13 დეკემბრამდე. ნოემბერში ჩატარდა არჩევნები და მხოლოდ 13 დეკემბერს გაირკვა, ვინ იქნებოდა პრეზიდენტი. მოხდა ხმების გადათვლები. არ გეგონოთ საქართველოს არჩევნები,  როდესაც ქალბატონი ნინო ბურჯანაძე ტელევიზიებიდან ტელევიზიებში  დარბის ამ თავისი დოკუმენტებით და ვერ  მიაღწია იმას, რომ ერთ უბანზე მაინც მოხდეს ხმების გადათვლა. ამერიკაში ასე არ ხდება. თუ რამე ეჭვი გაჩნდა, იქ 90-ჯერ გადაითვლიან ხმებს. როგორც მაშინ მოხდა 2002 წელს  ფლორიდაში, მემგონი 18 ჯერ გადაითვალეს ხმები და მხოლოდ 13 დეკემბერს დადგინდა, რომ 1 ხმით ბუშმა აჯობა ელ გორს. ასე რომ, ყველაფერი მოსალოდნელია.ყველა პროგნოზირებდა კლინტონის გამარჯვებას და დღეს კლინტონი ჯერჯერობით აგებს. თუმცა რამდენიმე საათი კიდევაა და ეს მხოლოდ ეგზიტპოლებია.

პენსილვანიის შედეგები არაა ცნობილი. თეორიული შანსი კიდევ მეტია. ვთქვათ, კლინტონს აქვს გამარჯვების ერთადერთი შანსი, და ტრამპს უამრავი შანსი აქვს.  ამაშია განსხვავება. ამერიკის არჩევნებს არაერთი სიურპრიზით გაუმდიდრებიათ მსოფლიო პრაქტიკა. ამიტომ დავლოდოთ ბოლომდე“,-განაცხადა სოსო ცინცაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ეჩმიაძინში სრულიად სომეხთა კათოლიკოს გარეგინ II-ის სასამართლო პროცესი მიმდინარეობს

ქუთაისში „ავტო გალერის“ ახალი მულტიბრენდული სივრცე გაიხსნა

თურქეთი, საუდის არაბეთი და პაკისტანი „აგრესორების“ წინააღმდეგ ერთად იბრძოლებენ: შეთანხმებას ხელი მოეწერა

აშშ-ის დაზვერვა ვარაუდობს, რომ პუტინს შეუძლია უკრაინაში ომის პარალელურად ნატოს წევრ ქვეყანაზე თავდასხმა