2016-11-08 12:12:22, 2066 ნახვა
მსოფლიო
Reuters/Ipsos: ჰილარი კლინტონის აშშ-ის საპრეზიდენტო არჩევნებში გამარჯვების შანსი 90%-ია
დემოკრატიული პარტიის კანდიდატის ჰილარი კლინტონის აშშ-ის საპრეზიდენტო არჩევნებში გამარჯვების შანსი 90%-ია, - ამის შესახებ ინფორმაციას სააგენტო Reuters-ი Ipsos-ის მიერ ჩატარებული კვლევზე დაყრდნობით ავრცელებს.
მედიის ცნობით, კვლევის შედეგები აშშ-ში არჩევნების დაწყებამდე რამდენიმე საათით ადრე გამოქვეყნდა.
აღნიშნული გამოკითხვის თანახმად, რეიტინგის მიხედვით ჰილარი კლინტონი დონალდ ტრამპს 3%-ით უსწრებს. ყოფილ სახელმწიფო მდივანს გამოკითხულთა 45% უჭერს მხარს, ამერიკელ მილიარდერს კი - 42%.
ამასთან, კლინტონს ამომრჩეველთა კოლეგიაში სავარაუდოდ 303 ხმა აქვს, დონალდ ტრამპს კი - 235. არჩევნებში გამარჯვებისთვის საჭიროა ამომრჩეველთა კოლეგიის 270 ხმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
