2015-03-19 18:48:44, 2229 ნახვა
სამხედრო
ნატოს შემფასებელთა ჯგუფმა საქართველოში ვიზიტი დაასრულა
საქართველოში ნატოს შემფასებელთა ჯგუფის ვიზიტი დღეს დასრულდა. დელეგაციის წევრები სამი დღის განმავლობაში ნატო-საქართველოს არსებითი პაკეტით გათვალისწინებული ერთობლივი წვრთნისა და შეფასების ცენტრის დაარსებისთვის არსებულ შესაძლებლობებსა და ინფრასტრუქტურას ეცნობოდნენ. ვიზიტის დასასრულს, შეფასების პირველადი შედეგები ჯგუფმა თავდაცვის მინისტრის მოადგილე ლევან ღირსიაშვილს წარუდგინა.
ნატოს შემფასებელთა ჯგუფის წევრებმა ვაზიანში სამხედრო აეროდრომის მიმდებარე ტერიტორია, სასროლეთი და პოლიგონის სხვადასხვა ლოკაცია მოინახულეს. დელეგაცია ეროვნული სასწავლო ცენტრის „კრწანისის“ შესაძლებლობებსაც გაეცნო. შეფასების შედეგად, ნატოს ექსპერტები კონკრეტულ მოთხოვნებს განსაზღვრავენ და პროექტის წარმატებით განსახორციელებლად დეტალურ ღონისძიებებს გაწერენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
