საქართველოს ფინანსთა სამინისტრო საზოგადოებისთვის ობიექტური ინფორმაციის მიწოდების მიზნით, აცხადებს, რომ სამინისტროს ოფიციალურ ვებგვერდზე გამოქვეყნებული დოკუმენტაცია ბიუჯეტის შესრულებასთან დაკავშირებით სრული სიზუსტითაა აღრიცხული.

როგორც ფინანსთა მინისტრის მოადგილე, გიორგი კაკაურიძე აღნიშნავს, ესაა წინასწარი მონაცემები, რომელიც კიდევ დაზუსტდება და შესაძლოა, მონაცემები მცირედით გაიზარდოს.

„ფინანსთა სამინისტროს სახაზინო სამსახურის მიერ აღირიცხება ყოველდღიურად მიღებული სახსრები, რასაც თვის ბოლოს ემატება ის თანხები, რომელიც დონორების მიერ გამოყოფილი გრანტებისა და კრედიტების ფარგლებში, ამავე დონორის მიერ ხაზინის გაუვლელად, პირდაპირ ერიცხება შესაბამის შემსრულებელ ორგანიზაციებს," - აცხადებს ფინანსთა მინისტრის მოადგილე.

მისი განცხადებით, ეს მეთოდოლოგია არ შეცვლილა მას შემდეგ, რაც სახაზინო სამსახური არსებობს, გამომდინარე აქედან, მინისტრის მოადგილის თქმით,  ყოველგვარი ბრალდება მონაცემების გაყალბების შესახებ სრული აბსურდია. 

ფინანსთა მინისტრის მოადგილე გიორგი კაკაურიძე, ასევე, აბსურდულს უწოდებს ინფორმაციას, თითქოს სახაზინო სამსახურის მიერ მოხდა დონორების მიერ კონკრეტული პროექტებისთვის გამოყოფილი თანხებიდან დარჩენილი ნაშთების დახარჯვა.

„თითოეული დონორი აკონტროლებს თავის მიერ გამოყოფილ თანხას და  შეუძლებელია დონორის მიერ გამოყოფილი სახსრები გამოყენებულ იქნას ნებისმიერი სხვა მიმართულებით.  შესაბამისად, მსგავსი ბრალდებები უსაფუძვლოა", - აცხადებს ფინანსთა მინისტრის მოადგილე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით