ხარკოვში სტუდენტებთან შეხვედრის შემდეგ,“ნაციონალური მოძრაობის” წევრსა და უკრაინის გენერალური პროკურორის ყოფილ მოადგილეს, დავით საყვარელიძეს ბრილიანტის მწვანე (ზელიონკა) შეასხეს, - ამის შესახებ ოდესის გუბერნატორი მიხეილ სააკაშვილი Facebook-ის საკუთარ გვერდზე წერს და საყვარელიძის ფოტოს აქვეყნებს.

“ხარკოვში, სტუდენტებთან გამოსვლის შემდეგ, ქუჩაში, დავით საყვარელიძეს სახეზე “ზელიონკა” შეასხეს. როგორც ჩანს, „ტიტუშკებს“ ძალიან უყვართ Halloween-ი,  ღირს ბრძოლა, რომ Halloween-ი არ გაგრძელდეს წელიწადში 365 დღე“, -წერს  მიხეილ სააკაშვილი.

მომხდარს თავად დავით საყვარელიძეც გამოეხმაურა.

როგორც საყვარელიძე Facebook-ის საკუთარ გვერდზე წერს, უკრაინელი ხალხი არაშორსმჭვრეტელ ლიდერებს მალე ჩამოირეცხავს.

„მინდა, მათ იმედები გავუცრუო, ასე მარტივად ჩვენ არ ვნებდებით. ჩვენ ასეთი გამოხტომებით ვერ შეგვაშინებთ. ისეთი, როგორიც მე ვარ, უკრაინაში მილიონია. მესმის, რომ ქუჩური, ხულიგნური მეთოდებით მოქმედებას შეეჩვივნენ და ზუსტად მათი დამსახურებაა, რომ დროებით ხელისუფლებაში მოვიდნენ. დარწმუნებული ვარ, რომ უკრაინელი ხალხი მალე ჩამოირეცხავს არაშორსმჭვრეტელ ლიდერებს და გაგზავნის მათ პოლიტიკურ ნაგავსაყრელზე, ისევე როგორც მე ვირეცხავ "ზელიონკას". ეთერში უნდა გავიდე, სადაც გავაგრძელებ სიმართლის თქმას მოქმედ ხელისუფლებაზე, როგორც აქამდე ვაკეთებდი. ჩვენი ბრძოლა მხოლოდ ახლა იწყება! კარგად გაეცანით ჩემს აღზრდასა და წარსულს, ასევე, საიდან ვარ", - წერს საყვარელიძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ერდოღანს შეხვდა

საქართველოსა და ნაურუს შორის დიპლომატიური ურთიერთობების დამყარების შესახებ შეთანხმება გაფორმდა

პაპუაშვილი ვიზიტით ბრიუსელში გაემგზავრა

EPP გიორგი ბარამიძის გათავისუფლებას ითხოვს