საფრანგეთი სირიაში სკოლის დაბომბვაზე პასუხისმგებლობას მოსკოვსა და დამასკოს აკისრებს

2016-10-28 11:57:25, 2229 ნახვა

მსოფლიო

საფრანგეთი სირიაში იდლიბის პროვინციაში სკოლაზე განხორციელებულ ავიაიერიშზე პასუხისმგებლობას მოსკოვსა და დამასკოს აკისრებს, - ამის შესახებსააგენტო Reuters-ი საფრანგეთის საგარეო საქმეთა მინისტრზე ჟან-მარკ ერომზე დაყრდნობით იუწყება.

როგორც საფრანგეთის საგარეო მინისტრმა აღნიშნა, ოპოზიციას სკოლების დაბომბვის რესურსი არ გააჩნია.

“ვინ აგებს პასუხს? ნებისმიერ შემთხვევაში, არა ოპოზიცია, იმიტომ რომ ბომბების ჩამოსაყრელად თვითმფრინავებია საჭირო. ეს ან ასადის რეჟიმია ან რუსები. ეს ამ ომის საშინელებების კიდევ ერთი დემონსტრაციაა”, - განაცხადა ჟან-მარკ ერომმა.

რუსეთის მხარემ ავიადარტყმასთან კავშირი კატეგორიულად უარყო.

შეგახსენებთ, რომ Unicef-ის ინფორმაციით, სირიაში იდლიბის პროვინციაში სკოლაზე ავიადარტყმის შედეგად 22 ბავშვი და 6 მასწავლებელი გარდაიცვალა.

ცნობისთვის, 11 ოქტომბრიდან სირიაში დარტყმები 5 სკოლაზე განხორციელდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან