ეროვნული ბანკის სტრატეგიის მიხედვით, სებ-ს აქვს ზუსტად ის მანდატი, რომ მაშინ როდესაც ფუნდამენტური ფაქტორები და ეროვნული ბანკის რეზერვები ამის საშუალებას იძლევიან, ინტერვენციები განახორციელოს, - ამის შესახებ ეროვნული ბანკის დირექტორმა კობა გვენეტაძემ დღეს გამართულ პრესკონფერენციაზე განაცხადა.

როგორც გვენეტაძემ აღნიშნა, ინტერვენციები ერთჯერადი ფაქტორებით გამოწვეულ დიდ მერყეობებს ამცირებს.

"მოგეხსენებათ, იყო რამდენიმე ერთჯერადი ფაქტორი. ასევე იყო მოლოდინი არჩევნებისადმი. არჩევნები ქვეყნისთვის არის შოკი. აქედან გამომდინარე ეროვნულმა ბანკმა მიიღო გადაწყვეტილება, რომ ინტერვენციები განეხორციელებინა. ეს ინტერვენციები პირველად არ მომხდარა. იმ შემთხვევაში თუ ფუნდამენტურმა ფაქტორებმა მოგვცა ამის საშუალება რა თქმა უნდა ინტერვენციებს მომავალშიც განვახორციელებთ. თუმცა ეს არ ნიშნავს, რომ ნებისმიერ მომენტში, როდესაც იქნება კურსის მერყეობა ჩვენ ამას გავაკეთებთ", - განაცხადა გვენეტაძემ.

შეგახსენებთ, 25 აგვისტოდან დღემდე, სებ-მა სავალუტო აუქციონზე 180 მილიონი დოლარი გაყიდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით