სევდია უგრეხელიძე: მოლოდინი გვქონდა, თბილისის მთავრობის განახლებულ შემადგენლობას ახალ მიმართულებებს მისცემდნენ

2015-03-18 13:00:28, 405 ნახვა

პოლიტიკა

„მთავრობის განახლებული შემადგენლობისთვის ახალი დავალებებისა და მიმართულებების მიცემას ველოდით“, – ამის შესახებ საკრებულოს ფრაქცია „ნაციონალური მოძრაობის“ წევრმა სევდია უგრეხელიძემ ჟურნალისტებს დედაქალაქის მთავრობის სხდომის დასრულების შემდეგ განუცხადა.
თუმცა, მისივე თქმით, სხდომაზე მსგავსი რამ არ მოუსმენიათ.
„მთავრობის განახლებული შემადგენლობის მიმართ რაიმე ახალი დავალებებისა და ახალი მიმართულებების მიცემას ველოდით. ასევე მათი მხრიდან ველოდით სიახლეს. მაგრამ, სამწუხაროდ ეს ვერ მოვისმინეთ“, – აღნიშნა უგრეხელიძემ და აქვე დასძინა, რომ „ნაციონალური მოძრაობის“ წევრები მთავრობის სხდომაზე დასწრებას რეგულარულად აპირებენ.
ცნობისთვის, დედაქალაქის დღევანდელ მთავრობის სხდომას „ნაციონალური მოძრაობის“ წევრები სევდია უგრეხელიძე და ირაკლი ნადირაძე ესწრებოდნენ.
ჟურნალისტებისთვის კი, სხდომა დახურული იყო.