სააკაშვილი: არასდროს მითქვამს, რომ არჩევნების პირველი ტურის დასრულებამდე საქართველოში ჩამოვიდოდი

2016-10-20 13:22:52, 1791 ნახვა

პოლიტიკა კომენტარი Lifestyle

წინასაარჩევნო გამოსვლებში არასდროს მითქვამს, რომ არჩევნების პირველი ტურის დასრულებამდე ჩამოვიდოდი საქართველოში, - ამის შესახებ საქართველოს ყოფილმა პრეზიდენტმა, ოდესის ოლქის გუბერნატორმა მიხეილ სააკაშვილმა Facebook-ში გავრცელებულ ვიდეო მიმართვაში განაცხადა.

როგორც სააკაშვილმა აღნიშნა, ჩამოსვლის შემთხვევაში მას პროვოკატორობაში დაადანაშაულებდნენ.

"საქმე იმაშია, რომ პირველი ტურის დასრულებამდე თუ ჩამოვიდოდი, იგივე ის ხალხი, რომელიც მიკიჟინებს, რატომ არ ჩამოვედი, გამომაცხადებდა სახიფათო პროვოკატორად და ივანიშვილს მიეცემოდა საფუძველი, დავედანაშაულებინე სამოქალაქო დაპირისპირებსი ინსპირირებაში.

ჩემი პოზიცია ყოველთვის ძალიან ნათელი იყო. ჩვენ ვაპირებდით პირველ ტურში გამარჯვებას და ამის შემდეგ ვაპირებდი ცამოსვლას მეორე ტურისთვის და ასევე არჩევნების დაცვაში მონაწილეობის მიღებას. მაგრამ მოხდა ის, რაც მოხდა. უპრეცედენტო მასშტაბის გაყალებებები მოხდა პირველ ტურში. ამაზე რეაგირება როგორ უნდა მოხდეს, ეს არის ადგილზე მყოფი ლიდერებისა და აქტივისტების გადასაწყვეტი. ისინი უკეთესად ხედავენ.

ერთი რამ ნათელია, "ნაციონალურმა მოძრაობამ" გაყალბებებისა და მანიპულაციების გათვალისწინებით მიიღო 600 ათასზე მეტი ხმა. ეს ძალიან ბევრია რეპრესიებისა და ზეწოლის პირობებში. ხალხმა გაიგო, რომ ივანიშვილმა ჩაიდინა დიდი მანიპულაციები და გაყალებბა. ეს არის შეუქცევადი პროცესი რუსი ოლიგარქის დასუსტებისა. მიუხედავად იმისა, ვინ რას ფიქრობს და საბოლოო ჰამში ეს მიგვიყვანს გამარჯვებამდე.

ახლა მნიშვნელოვანია ერთიანობა, საბრძოლო განწყობა, არ შეგუება ამ აფიორასთან და გაყალბებასთან. საბოლოო ჯამში ყველაფერი გამოგვივა",- განაცხადა სააკაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან