საქართველოს პრემიერ-მინისტრმა გიორგი კვირიკაშვილმა მთავრობის დღევანდელ სხდომაზე „რთველი 2016“ შეაჯამა.

კვირიკაშვილის შეფასებით, რთველი ძალიან წარმატებულად ჩატარდა.

„178-მა კომპანიამ მიიღო მონაწილეობა და კახეთში გადამუშავდა 100 ათას ტონაზე მეტი ყურძენი, კახეთის მოსახლეობის შემოსავალმა 97 მილიონ ლარზე მეტი შეადგინა, ხოლო რაჭა-ლეჩხუმში 24-მა კომპანიამ მიიღო მონაწილეობა, და 500 ტონაზე მეტი ყურძენი გადამუშავდა. რაჭის მოსახლეობის შემოსავალმა რთველის პერიოდში 2.5 მილიონზე მეტი შეადგინა, ორივე რეგიონში 2016 წელს ყურძენი ღვინის კომპანიებს 19 ათასზე მეტმა მევენახემ ჩააბარა. მნიშვნელოვანია, რომ ჩვენ შევქმენით თვისობრივად განსხვავებული სუბსიდირების და აგროსესხების პროგრამა, რომლის დანერგვითაც სახელმწიფომ მოახდინა სწორი სტიმულირება, მეღვინეობა-მევენახეობის მიმართულების და ძალიან მნიშვნელოვანია, რომ იზრდება ვენახების ფართობი და ასევე მნიშვნელოვანია, რომ ხარისხს ექცევა განსაკუთრებული ყურადღება, ადგილწარმოშობას და სწორი მიმართულებით განვითარებას, ბრენდირებული ღვინოების მთელი მსოფლიოს სხვადასხვა ბაზრების მასშტაბით ექსპორტს ექცევა ძალიან დიდი ყურადღება, ჩვენ რა თქმა უნდა ამ მიმართულებით გავაგრძელებთ მუშაობას და მე ძალიან მახარებს ის, რომ უპირველეს ყოვლისა თვისუფალი სავაჭრო შეთანხმება ევროკავშირთან იკრებს თანდათან ძალას და ევროპის მიმართულებით ძალიან მნიშვნელოვანი რაოდენობა მიდის ექსპორტზე, ასევე ძალიან მნიშვნელოვანია, რომ ჩვენ ტრადიციულ ბაზრებზე ვართ წარმოდგენილი და ახალ ბაზრებზე, როგორიც არის ჩინეთი, სადაც უკვე მიღწეულია თავისუფალი სავაჭრო შეთანხმება, ქართული ღვინის ექსპორტი უპრეცედენტოდ მაღალი სისწრაფით იზრდება, რაც ძალიან მახარებს და ვფიქრობ, ეს არის აბსოლუტურად ჯანსაღი პროცესი. მინდა მადლობა გადავუხადო სოფლის მეურნეობის სამინისტროს წარმატებული რთველისთვის”,-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით