სრულიად საქართველოს კათოლიკოს-პატრიარქმა, ილია მეორემ მშობლებისთვის ახალი ლოცვა დაწერა.  ილია მეორემ ქადაგების დასრულების შემდეგ, მშობლების მიერ შვილებისთვის დასალოცი ლოცვა მთლიანი საქართველოსთვის წაიკითხა:

"ღმერთო ჩვენო, მამაო ყოვლისა მპყრობელო, ძეო ღვთისაო უფალო ჩვენო იესო ქრისტე, სულო წმიდაო ცხოველმყოფელო, სამებაო ერთარსო და განუყოფელო, გარდამოიხილე ზეცით მოწყალე თვალით და დალოცე შვილები ესე საქართველოისანი. მონანი და მხევალნი ღვთისანი და მიმადლე მათ მრავალჟამიერი სიცოცხლე. მტკიცე მართლმადიდებელი სარწმუნოება, სიყვარული ღვთისა და მოყვასისა. თავმდაბლობა, განცდაი თვისთა ცოდვათა, სიბრძნე, სიმშვიდე და მოთმინება, ნიჭი და უნარო სწავლისა და შრომისა, ბედნიერი ოჯახი, მრავალი შვილი, კეთილდღეობა და სიხარული, გონება საღი და გახსნილი, გული წმინდა, სიყვარული მშობელთა თვისა. ჰოი, უფალო, შეისმინე ჩემი ლოცვა და დაიფარე შვილნი ესე ჩვენნი სულიერი,  ხილული და უხილავი მტრებისაგან და ღირსყავ ისინი ცათა სასუფეველისა.  ლოცვითა და მეოხებითა ყოვლადწმიდისა ღვთისმშობელისა და ყოველთა წმიდათა შენთა. ამინ!",- ბრძანა ილია მეორემ.

პატრიარქის თქმით, ლოცვის წაკითხვისას მშობლებმა წესი უნდა დაიცვან:

„ეს ლოცვა სპეციალური სიგელებით დაიბეჭდება, დაურიგდება ხალხს და ცალკე დალოცავთ შვილებს. წესი იქნება- შვილს დააყენებთ მუხლებზე იმ ხატის წინაშე, რომელიც მას უნდა გადასცეთ.ორივე ხელს დაადებთ თავზე და წაიკითხავთ ამ ლოცვას. ნახავთ, რომ უფალი სასწაულს მოახდენს და შეიცვლება დამოკიდებულება. თქვენ უნდა მოემზადოთ, სანამ შვილს დალოცავთ. დედამ ცალკე უნდა დალოცოს და მამამ ცალკე. ცხოვრებაში ეს ერთი დალოცვა იქნება. როდესაც წაიკითხვათ ამ ლოცვას, შვილებს ასხურებთ წყალს, გადასახავთ პირჯვარს და ბედნიერი იქნება თქვენი ოჯახი“,-ბრძანა უწმინდესმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Reuters: ვენსი ტრამპის არაპოპულარული გადაწყვეტილებებისგან დისტანციას იჭერს და რესპუბლიკელთა ლიდერობისთვის ბრძოლისთვის ემზადება

ტრამპმა განაცხადა, რომ ჩინეთში პუტინთან და სი ძინპინთან დენუკლეარიზაციის საკითხზე საუბარს აპირებს

ამსტერდამში ისრაელის პოლიტიკის წინააღმდეგ 200 ათასამდე ადამიანი გამოვიდა

უკრაინამ სანქტ-პეტერბურგთან ახლოს რუსეთის ერთ-ერთ უდიდეს ნავთობგადამამუშავებელ ქარხანას დაარტყა