4-მა ტელეკომპანიამ ეგზიტპოლის ჩასატარებლად „TNS OPINION" მოიწვია, “რუსთავი 2”-ის დაკვეთით კი, ეგზიტპოლებს GFK ჩაატარებს

2016-10-08 07:04:35, 813 ნახვა

პოლიტიკა

ტელეკომპანიები -"იმედი", "საზოგადოებრივი მაუწყებელი", "მაესტრო" და "GDS" არჩევნების დღეს ეგზიტპოლს ერთობლივად ჩაატარებენ. ტელეკომპანიებმა ეგზიტპოლის ჩასატარებლად საქართველოში კომპანია "TNS OPINION" მოიწვიეს. როგორც ცნობილია, აღნიშნულ კომპანიას 40-ზე მეტ ქვეყანაში, ხუთასზე მეტი კვლევა აქვს ჩატარებული.

გარდა ამისა, ტელეკომპანია “რუსთავი 2”-ის დაკვეთით, არჩევნებზე ეგზიტპოლებს ორგანიზაცია GFK ჩაატარებს. GFK-ს მიერ ჩატარებული ეგზიტპოლის შედეგები დღეს, საარჩევნო უბნების დახურვისთანავე, „რუსთავი 2“-ის ეთერით გახდება ცნობილი.

„რუსთავი 2“-ის მიერ დაქირავებული გერმანული კომპანიის GFK-ის წარმომადგენლებმა ორი დღის წინ პრეზენტაცია გამართეს და ეგზიტპოლების ჩატარების მეთოდოლოგიაზე ისაუბრეს.

როგორც GFK-ს ვიცეპრეზიდენტმა ვადიმ ვოლოსიმ განაცხადა, კვლევების ჩატარების კუთხით, ძალიან დიდი გამოცდილება აქვთ და კვლევის ჩატარების მათი სტანდარტი ყველა ქვეყანაში თანაბრადაა დაცული.

მისივე თქმით, კლიენტები კვლევის მეთოდებზე ვერანაირ გავლენას ვერ მოახდენენ, რადგან მათ საქმიანობაში არ ერევიან.

კომპანია GFK-ს ვიცეპრეზიდენტის, ვადიმ ვოლოსის განხადებით, "TNS OPINION" მათი მთავარი კონკურენტია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან