„რუსთავი 2“-ის მიერ დაქირავებული გერმანული კომპანიის GFK-ის წარმომადგენლებმა დღეს პრეზენტაცია გამართეს  და ეგზიტპოლების ჩატარების მეთოდოლოგიაზე ისაუბრეს.

როგორც GFK-ს ვიცეპრეზიდენტმა ვადიმ ვოლოსიმ განაცხადა,  კვლევების ჩატარების კუთხით,  ძალიან დიდი გამოცდილება აქვთ და კვლევის ჩატარების მათი სტანდარტი ყველა ქვეყანაში თანაბრადაა დაცული.

მისივე თქმით,  კლიენტები კვლევის მეთოდებზე  ვერანაირ გავლენას ვერ მოახდენენ, რადგან  მათ საქმიანობაში  არ ერევიან.

GFK-ს მიერ ჩატარებული ეგზიტპოლის შედეგები შაბათს, საარჩევნო უბნების დახურვისთანავე, რუსთავი 2-ის ეთერით გახდება ცნობილი.

„ჩვენ საკმაოდ დიდი გამოცდილება გვაქვს. ვაწარმოებთ  ეგზიტპოლებს ამერიკული არჩევნების დროსაც. ამაყი ვარ, რომ შემიძლია ვთქვა, აშშ-ის არჩევნების კვლევის გამოცდილება აქვს ჩვენს თანამშრომლებს. დაახლოებით, 10 წლის წინ GFK-ს ასოციაციის წევრი გახვდით.  ხშირად ვინაცვლებთ ადგილს, სხვადასხვა ქვეყანაში გვიწევს მუშაობა და  იქ  ვქმნით ოფისებს. GFK-ის 100-მდე ქვეყანაში უმუშავია. გვყავს შემკვეთები, რომლებიც არიან ძირითადად ხშირ ურთიერთობებში ჩვენთან და ეს ურთიერთობა წლების განმავლობაში ჩამოყალიბდა.

ჩვენი სტანდარტები დაცულია თანაბრად  ყველა ქვეყანაში.  ჩვენი კლიენტები ჩვენი კვლევის მეთოდებზე  ვერანაირ გავლენას ვერ მოახდენენ, არც ერევიან ამაში. საქართველო ერთ-ერთი მათგანია, სადაც კვლევას ვატარებთ. ხშირად ვთანამშრომლობთ  „ასოშიეთიდ პრესს“-თან. დიდი გამოცდილების მქონე ადამიანები არიან საქართველოში ჩამოსული, რომ ეგზიტპოლები აწარმოონ.როგორც კი ჩაივლის არჩევნები,  ჩვენ გვექნება ეგზიტპოლის შედეგი.  დაახლოებით, 220  უბანზე გვაქვს საშუალება ვაწარმოოთ ეგზიტპოლი. რა თქმა უნდა, ყველა უბანთან  არ დგას GFK-ს  წარმომადგენელი, მაგრამ რაოდენობა ისე გვაქვს შერჩეული, რომ  შედეგი საბოლოო არჩევანთან ახლოს იყოს. არ გვქონია არანაირი კონფლიქტი სამთავრობო, თუ არასამთავრობო ორგანიზაციებთან.  საქართველოში სხვადასხვა ორგანიზაცეიბთან მუშაობის გამოცდილება გვაქვს. „რუსთავი2“-თან და „ტაბულასთან“  თანამშრომლობა  ჩვენი გადაწყვეტილება იყო. შემოგვთავაზეს და დავთანხმდით, არავის რეკომენდაცია არ მოუცია.ამ არჩევნებზე გამოცდილი ხალხი იმუშავებს, გამოკითხის ენა იქნება ქართული“,-აღნიშნა ვადიმ ვოლოსიმ.

შეხვედრაზე მიწვეული იყვნენ არასამთავრობო ორგანიზაციებისა და დიპლომატიური კორპუსის წარმომადგენლები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ