„ნაციონალურ მოძრაობას“ მხარს უჭერს მოსახლეობის ის რაოდენობა, რაც ვარდების მოედანზე ვნახეთ, - ამის შესახებ  “დემოკრატიული მოძრაობის“ ლიდერმა, ნონო ბურჯანაძემ გადაცემა 2030-ში განაცხადა.

მისი თქმით, ენმ-ს დღევანდელი აქცია კარგად იყო ორგანიზებული, რადგან მათ უზარმაზარი ფულადი რესურსი აქვთ და ჰყავთ „რუსთავი 2“.

„რაც შეეხება დღევანდელ აქციას, დღევანდელი შეკრება კარგად ორგანიზებული ძალის მიერ იყო ორგანიზებული, რაც „ნაციონალურ მოძრაობას“ ნამდვილად კარგად შეუძლია, რადგან მათ უზარმაზარი ფულადი რესურსი აქვთ და ჰყავთ „რუსთავი 2“, მაგრამ  „ნაციონალური მოძრაობა“ ხელისუფლებაში არჩევნების გზით ვერ მოვა. ეს აბსოლუტურად გამორიცხულია. როგორც წესი, მათ მასობრივ შეკრებებზე და არჩევნებზე ბოლო მომხრეც კი გამოჰყავთ. ასე რომ, „ნაციონალურ მოძრაობას“ მხარს უჭერს მოსახლეობის ის რაოდენობა, რაც ვარდების მოედანზე ვნახეთ. ეს კი, ის რაოდენობა არ არის, რაც მათ ხელისუფლებაში მოყვანას უზრუნველყოფს“, - განაცხადა ნინო ბურჯანაძემ.

როგორც ბურჯანაძემ აღნიშნა, ვიდრე „ნაციონალური მოძრაობა“ ჩადენილი დანაშაულისთვის პასუხს არ აგებს, ქვეყანაში არასტაბილურობის საფრთხე ყოველთვის იქნება.

„ვიდრე „ნაციონალური მოძრაობა“ ჩადენილი დანაშაულისთვის პასუხს არ აგებს, ვიდრე სამართლიანობა არ აღდგება და ყველაფერს თავისი სახელი არ დაერქმევა, ქვეყანაში არასტაბილურობის საფრთხე ყოველთვის იქნება. იქნება საფრთხე იმისა, რომ სრულიად უდანაშაულო გამვლელი ადამიანები „ნაციონალური მოძრაობის“ მოქმედებას, ან მის წინააღმდეგ მიმართულ ქმედებას შეეწირონ“, - განაცხადა “დემოკრატიული მოძრაობის“ ლიდერმა.

“დემოკრატიული მოძრაობის“ ლიდერი გივი თარგამაძის მანქანის აფეთქების ფაქტსაც გამოეხმაურა და აღნიშნა, რომ "რუსეთს რომ ეს აფეთქება მოეწყო, გივი თარგამაძისგან არაფერი დარჩებოდა და კიდევ კარგი, ეს ასე არ მოხდა".

„გარწმუნებთ, რუსეთს რომ ეს აფეთქება მოეწყო, გივი თარგამაძისგან არაფერი დარჩებოდა და კიდევ კარგი, ეს ასე არ მოხდა. მტკიცებულების გარეშე ხელს ვერავის დავადებ, მაგრამ მსგავსი ქმედების განხორციელება არ გაუჭირდებოდა  პოლიტიკურ ძალას, რომელსაც განმუხურის მოწყობა, 2008 წლის წაგებული ომის მოგებულად გამოცხადება, დატრიალებული უბედურებების შემდეგ სამართლიანობაზე და პოლიტიკურ დევნილობაზე ლაპარაკი შეუძლია და შუბლის ძარღვი გაწყვეტილი აქვს. თუ ეს მათ პოლიტიკურ ინტერესში შევიდოდა, თანაგუნდელს ადვილად გაიმეტებდნენ“, - განაცხადა ბურჯანაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის