2016-10-05 16:49:11, 616 ნახვა
პოლიტიკა
დავით ბაქრაძის თქმით, „ნაციონალური მოძრაობის“ აქტივისტებს გზაში აფერხებენ
“ერთიანი ნაციონალური მოძრაობის“ ლიდერის დავით ბაქრაძის განცხადებით, აქციის დაწყება დაგვიანდა რადგან მათი აქტივისტების ნაწილმა აქციაზე მისვლა ვერ მოახერხა.
კერძოდ, ბაქრაძის ინფორმაციით, გამიზნულად გათიშეს მეტრო, რათა აქტივისტების გადაადგილებისთვის ხელი შეეშალათ.
ვარდების მოედანზე საქართველოს სხვადასხვა რეგიონებიდან „ნაციონალური მოძრაობის“ ასობით აქტივისტია შეკრებილი.
„ნაციონალური მოძრაობის“ აქცია ვარდების მოედანზე 16:00 საათზე დაიწყო და ყოფილ პარლამენტის შენობასთან მსვლელობით დასრულდება.
აქციას პარტიის ლიდერები უხელმძღვანელებენ და შეკრებილებს სიტყვით მიმართავენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
