„ეს ყვარყვარე რომ პარლამენტში მოხვდეს და მან გადალახოს ბარიერი, ჩვენი მიღწევების შავი ლაქა იქნება“,-ამის შესახებ საქართველოს ყოფილმა პრემიერ-მინისტრმა ბიძინა ივანიშვილმა „ლეიბორისტული პარტიის“ წევრ შალვა ნათელაშვილთან დაკავშირებით GDS-ის გადაცემაში განაცხადა.

ივანიშვილის მტკიცებით, შალვა ნათელაშვილი „ნაციონალური მოძრაობის“ ინტერესებს ატარებს და საზოგადოებამ ეს უნდა დაინახოს. ამასთან, ივანიშვილმა არ გამორიცხა, რომ  რომ ნათელაშვილმა ბარიერი გადალახოს:

„ყვარყვარე ერთი უკრაინელი და აგერ ერთი ქართველი გვყავს ნათელაშვილი. რა თქმა უნდა, კითხვა ძალიან ლოგიკურია, არის შანსი, რომ ნათელაშილმა გადალახოს ბარიერი. მინდა მივმართო მის მხარდამჭერებს, თუ კიდევ მისმენენ და უნდათ, რამე გაიგონ, გავიხსენოთ მთელი მისი მოღვაწეობა. ჯაშუშებიდანაც ფულს იღებდა, მოღალატეებისგან ფულს იღებდა ამის კადრები თვითონ მერაბიშვილმა გაუვრცელა მას. ერთადერთი კაცია საქართველოს პოლიტიკაში, რომელიც ხელისუფლებაში არ მოსულა და ისე გახდა მილიონერი. ერთადერთი ქართველი კაცია, რომელიც ხელისუფლებიდან არ გამდიდრებულა.

არ არის ტიპური ყვარყვარე? აბა სხვა რა გინდა, რომ უწოდო. „ქართული ოცნება“ და სხვაც წინამორბედები, თუ იყო შევარდნაძის მთავრობის დროსაც, მათ ხელისუფლებიდან იციან, როგორ უნდა აიღონ ფული, მაგრამ ეს ხელისუფლებაში არ ყოფილა, ისე გახდა მდიდარი.

ნახეთ, „რუსთავი2“-დან არ ჩამოდის ნათელაშვილი, „რუსთავი2“ აპიარებს, ხალხო, თავიდან ბოლომდე , შეხედეთ, „რუსთავი2“ ვისია, ეჭვი ხომ არ გეპარებათ, ნათელაშვილს უფრო ხარისხიანი კლიპები გაუკეთეს, მათი არ ვარგა, ასე ხარისხიანი არაა. ბოლო 6 თვე ერთი მძიმე სიტყვ არ უთქვამს „ნაციონალურ მოძრაობაზე“. მარტო ივანიშვილს აგინებს.

ეს ყვარყვარე რომ პოლიტიკაში მოხვდეს და მან გადალახოს ბარიერი, ეს იქნება შავი ლაქა ჩვენი მიღწევების. დიდი ალბათობით ნათელაშვილი ვერ გადალახავს, მაშინ ჩათვალე, რომ ყველანი თავის ადგილზე იქნებიან“,-აღნიშნა ბიძინა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ