საქართველოს ყოფილმა პორემიერ-მინისტრმა ბიძინა ივანიშვილმა "რუსთავი 2"-ის გენერალურ დირექტორს ნიკა გვარამიას მოსამართლეებთან საუბრის ტონი დაუწუნა.

მისი თქმით, ამაზრზენია, რომ ნიკა გვარამია მოსამართლეს ”გონორით“ ესაუბრება.

"ქალაქის სასამართლოს თავმჯდომარეს როგორ ესაუბრება და იმის შემდგომ მათი დამოკიდებულება სასამართლოს მიმართ და მათი განცხადებები. ყველაფერი ფარსია, რა დღეში ყავდათ სასამართლო, ვისაც აგინებენ გასაგებია, გვარამია ვისაც ლანძღავს, აღარ ემორჩილებიან, მოსამართლეებმა თავი დააღწიეს მათგან და რა თქმა უნდა, ახალი ხელისუფლება სიამაყით შეიძლება ვთქვათ, რომ არ ერევა სასამართლოს საქმეებში და არც ერთ შემთხვევაში საქართველოს მთავრობა სასამართლოს საქმეებში არ ერევა. მოსამართლეებმა მოახერხეს ბევრმა და თავი დააღწიეს და ნახეთ ლანძღვა გვარამიასი.

ნახეთ, როგორ ესაუბრება ქალაქის სასამართლოს თავმჯდომარეს, მარტო გონორი დაიჭირეთ და შემდეგ ბურჭულაძე გაიხსენეთ და მე მინდა შევახსენო ჩვენი ინტელიგენციის ზოგიერთ წარმომადგენელს, ვინც ძალიან მძაფრ გამონათქვამებს არ ერიდებოდნენ, როდესაც მიდიოდნენ "რუსთავი 2"-ის პროცესზე, პროცესი იყო რომ მარტო სასამართლო მიდიოდა, მეტი არაფერი და ორი დაზარალებული მესაკუთრე ედავებოდა საკუთრებას "რუსთავი 2"-ს და როგორ იცავდნენ "რუსთავი 2"-ს, როგორც თავისუფალი სიტყვის ეტალონს და ჭეშმარიტების ბოლო საფეხურს, როგორ იცავდნენ, მოცეკვავეები მიდიოდნენ იქ ძალიან ცნობილი, მწერლები თუ ხელოვნების სხვა მოღვაწეები. ნუ თუ მათ დღეს არ სცხვენიათ?!“, - განაცხადა ბიძინა ივანიშვილმა.

შეგახსენებთ, რომ დღეს ნიკა გვარამიასა და მამუკა ახვლედიანის აუდიო ჩანაწერი გავრცელდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ