"ქართული ოცნება–დემოკრატიული საქართველოს" ახალგაზრდული ორგანიზაციის ეგიდით წყალტუბოს ცენტრალურ პარკში, ღონისძიება "ოცნების ხეივანი" გაიმართა.

ღონისძიებაზე მოსულ ახალგაზრდებს საშუალება ჰქონდათ ჩართულიყვნენ სპორტულ ღონისძიებებში, დაეტოვებინათ ფერადი ანაბეჭდები, ენახათ პანტონიმის თეატრისა და ბერიკების შოუ.

ოცნების ხეივანს „ქართული ოცნება–დემოკრატიული საქართველოს" წყალტუბოს მაჟორიტარი დეპუტატობის კანდიდატი ცოტნე ზურაბიანი ესწრებოდა. კანდიდატმა წყალტუბოელებთან მიმართვა მილოცვით დაიწყო და ადგილობრივებს 2012 წლის 1 ოქტომბერს „ქართული ოცნების“ არჩევნებში გამარჯვების დღე გაახსენა. მისივე თქმით 8 ოქტომბერს პარტია კვლავ ხალხთან ერთად გაიმარჯვებს.

"ოცნების ხეივანში იყო ბევრი ღიმილიანი სახე და პოზიტიური განწყობა, რაც მე ძალიან მახარებს. ბედნიერი ვარ, რომ ამ ღონისძიებაზე მოსვლით წყალტუბოს ახალგაზრდობამ კვლავ გამომიცხადა მხარდაჭერა და ნდობა, რომელიც აუცილებლად იქნება გამართლებული ქართული ოცნების მხრიდან. აქვე მინდა მოგილოცოთ დღევანდელი დღე - 4 წლის წინ, 1 ოქტომბრის არჩევნებში ქართული ოცნების გამარჯვება. ჩვენ 8 ოქტომბერს კვლავ ერთად გავიმარჯვებთ“,-განაცხადა ცოტნე ზურაბიანი.

ღონისძიებას „ქართული ოცნების“ მხარდამჭერები ესწრებოდნენ, რომლებიც წყალტუბოს სხვადასხვა თემიდან იყვნენ ჩამოსულები. ღონისძიებამ „ოცნების ხეივანი“ შუა ღამემდე გასტანა და ფოიერვერკის ფონზე დჯ-ის მუსიკალური ნომრით დასრულდა.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა