„ქართული ოცნება-დემოკრატიული საქართველოს” გორის მაჟორიტარი დეპუტატობის კანდიდატი იოსებ მაკრახიძე გორში ელექტროფიკაციის, კომბინატის და თედოწმინდის დასახლებებში მცხოვრებ მოსახლეობას შეხვდა. 

დეპუტატობის კანდიდატმა ამომრჩველს პარტიის წინასაარჩევნო პროგრამა გააცნო და მომდევნო ოთხი წლის განმავლობაში განსახორციელებელ გეგმებზე ესაუბრა. 

“2012 წლის არჩევნების შემდეგ, ჩვენმა ხელისუფლებამ საფუძველი ჩაუყარა სახელმწიფოს სოციალური პასუხისმგებლობის პრინციპზე დაფუძნებულ ჯანმრთელობისა და სოციალური დაცვის პოლიტიკას, რომლის შემდგომი სრულყოფა საქართველოში თითოეული ადამიანის ღირსეულ ცხოვრებას და კეთილდღეობას უზრუნველყოფს”, - განაცხადა მაკრახიძემ. 

მისივე თქმით, ჯანდაცვის ბიუჯეტი 2012 წლის შემდეგ თითქმის 2,5-ჯერ გაიზარდა, გაორმაგდა სოციალური დახმარების ბიუჯეტი და სოციალური დახმარების ოდენობა. 

„შეიქმნა სოციალურად დაუცველი ოჯახების შეფასების ახალი, ობიექტურ კრიტერიუმებზე დაფუძნებული მეთოდოლოგია. ოჯახებს ობიექტური გარემოებებიდან გამომდინარე ენიჭებათ განსხვავებული სარეიტინგო ქულები და ისინი იღებენ სხვადასხვა რაოდენობის სოციალურ დახმარებას. 57 000 ქულიდან 65 000 ქულამდე გაიზარდა საარსებო შემწეობის მიმღებთა ზედა ზღვარი. 2020 წლამდე „ქართული ოცნების“ სოციალური დაცვის პოლიტიკის ძირითადი პრინციპებია: სიღატაკის დაძლევა და სიღარიბის შემცირება, სოციალური დახმარების სისტემის ეფექტიანობა, სამართლიანობა და გამჭვირვალობა, დასაქმების მოტივაციის გაზრდა და ხელშეწყობა. მოსახლეობის სოციალური მდგომარეობის შემდგომი გაუმჯობესების მიზნით”, - განაცხადა იოსებ მაკრახიძემ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ