2016-09-27 15:38:43, 776 ნახვა

---

პრეზიდენტი მიხეილ სააკაშვილს მოუწოდებს, საარჩევნო პროცესში ჩარევისა და დაძაბულობის მუხტის შეტანისგან თავი შეიკავოს

პრეზიდენტის პრესსპიკერის ეკა მიშველაძის განცხადებით, გიორგი მარგველაშვილის პოზიციაა, რომ უმჯობესი იქნება თუ მიხეილ სააკაშვილი საქართველოს საარჩევნო პროცესში ჩართვისაგან თავს შეიკავებს.

როგორც მიშველაძემ ჟურნალისტებს განუცხადა, ასევე კარგი იქნება თუ სააკაშვილი თავშეკავებას გამოიჩენს არჩევნებში  დაძაბულობის მუხტის შეტანისაგანაც. 

„ადეკვატური იყო შინაგან  საქმეთა მინისტრის პასუხი ამ თემაზე.  შეგახსენებთ პრეზიდენტის პოზიციას, მან მოუწოდა უკრაინის მთავრობის წარმომადგენელს და მაღალჩინოსანს, რომ უმჯობესია თავი შეიკავოს საქართველოს საარჩევნო პროცესში ჩარევისგან და კარგი იქნება თუ თავშეკავებას გამოიჩენს არჩევნებში დაძაბულობის მუხტის შეტანისგანაც“,-განაცხადა მიშველაძემ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი