სააკაშვილის გეგმა, მოქმედებაში რომ მოვიდეს მე ამას არ ველი, ვერანაირი რევოლუციები ვერ მოხდება, თუ ხალხი ამ ზომამდე მისული არ არის, - ამის შესახებ პარლამენტის თავმჯდომარე დავით უსუფაშვილმა ჟურნალისტებს გავრცელებულ აუდიო ჩანაწერთან დაკავშირებით განუცხადა, სადაც სავარაუდოდ, მიხეილ სააკაშვილი და ენმ-ის ლიდერები რევოლუციაზე საუბრობენ.

როგორც უსუფაშვილმა განმარტა, რევოლუცია მხოლოდ ვინმეს სურვილით არ მოხდება, რადგან საქართველოს მოქალაქეები დაპირისპირებით დაიღალნენ.

„დღეს საქართველოში ვხედავ მოქალაქეებს, რომლებიც მტრობით დაპირისპირებით და სიძულვილით დაიღალნენ. მათ უნდათ არჩევნებზე მშვიდობიანად მივიდნენ და თავიანთი არჩევანი გააკეთონ. არჩევნების გზით ვინ მოიგებს ან ვინ წააგებს, ამას 8 ოქტომბრის შემდეგ გავიგებთ. ასეთ სიტუაციაში ხელისუფლებამ უნდა აღასრულოს კანონი და დაიცვას ჩვენი მოქალაქეების უსაფრთხოება. თუ რა გზა არის სწორი, ამას შესაბამისი ორგანოები დაადგენენ“, -გაანცხადა უსუფაშილმა.

რაც შეეხება პოლიტიკურ ძალებს, პარლამენტის თავმჯდომარის თქმით, მათ ცეცხლზე ნავთი არ უნდა დაასხან და პოლიტიკურმა ლიდერებმა მოსახლეობის გაგიჟების გზა არ უნდა აირჩიონ.

„არ უნდა ავირჩიოთ გზა მოსახლეობის გაგიჟების ან შეშინების, რომ ასეთ ფონზე გადაწყვეტილების მიღება არ მოუწიოთ. არჩევანი გააკეთონ არა ბოლო დღეებში აწეული ემოციური ფონის შედეგად, არამედ ბოლო წლების განმავლობაში გაკეთებული საქმეებიდან გამომდინარე. მოსახლეობამ კარგად იცის ვინ ვინ არის, ვინ რას წარმოადგენს და ვინ რისი გამკეთებელია. სწორედ ამის მიხედვით უნდა გააკეთონ არჩევანი“, - განაცხადა დავით უსუფაშვილმა.

ცნობისთვის, პარლამენტის თავმჯდომარემ გმირთა მემორიალი გვირგვინით შეამკო და დაღუპულთა ხსოვნას პატივი მიაგო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ