„ქართული ოცნების“ დეპუტატობის კანდიდატი რაჭა-ლეჩხუმსა და სვანეთში გოჩა ენუქიძე სამი თემის: ოყურეთის, ზუბისა და ჩქუმის წარმომადგენლებს შეხვდა.

ოყურეშის, ოფიტარას, ზუბის, ისუნდერის, მახურას, ცქუმის და ქულბაქის სოფლების მოსახლეობასთან გოჩა ენუქიძემ რეგიონში მიმდინარე პროგრამებისა და ინიციატივების სამოქმედო გეგმის შესახებ ისაუბრა.

მაჟორიტარობის კანდიდატმა განსაკუთრებეული ყურადღება დაუთმო მევენახეობის განვითარების საკითხებს და ამ გზით დასაქმების შესაძლებლობებს.

„შეიქმნება სამუშაო ადგილები, ცაგერის მუნიციპალიტეტში სახელგანთქმული უსახელოურის ჯიშის ვაზის აღორძინება იწყება. ამ მიზნით, იქმნება მევენახეთა გაერთიანება და მსხვილი ინვესტიციები უკვე მოძიებულია. გავაფართოებთ აგროდაზღვევის პროგრამას, შიდა და გარებაზრების ათვისებით, ხელს შევუწყობთ მიღებული მოსავლის ხელსაყრელ ფასად რეალიზაციას. ხელს შევუწყობთ სასოფლო-სამეურნეო კოოპერატივების ქსელის განვითარებას, რაც დამატებით სამუშაო ადგილებს შექმნის“,-განაცხადა მან.

კანდიდატმა ახალგაზრდების განათლებასა და განვითარებაზეც ისაუბრა.

„ცაგერის მუნიციპალიტეტში იგეგმება უმნიშვნელოვანესი კულტურული ობიექტის, „მწვანე თეატრის“ სრული რეაბილიტაცია, რაზეც 500 000 ლარი დაიხარჯება. დაინერგება პროფესიული განათლების გერმანული მოდელი, გაჩნდება დასაქმების სათანადო შესაძლებლობა თითოეული კურსდამთავრებულისთვის. აშენდება პროფესიულ კოლეჯ „თეთნულდის“ საერთო საცხოვრებელი. 2017 წლიდან სკოლის მასწავლებლის ხელფასი, საშუალოდ, 800 ლარი გახდება“,- განაცხადა გოჩა ენუქიძემ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ