„ირმა ინაშვილი, დავით თარხან-მოურავი,  საქართველოს პატრიოტთა ალიანსი, გაერთიანებული ოპოზიცია“  პირველ ოქტომბერს, ბათუმში, ერას მოედანზე, 15:00 საათზე საპროტესტო აქციას გამართავს.

ამის შესახებ დღევანდელ ბრიფინგზე პარტიის გენერალურმა მდივანმა ირმა ინაშვილმა განაცხადა.

ინაშვილის განცხადებით, აქციას რამდენიმე მიზანი აქვს.

„ჩვენ  1-ელ ოქტომბერს, ბათუმში, ერას მოედანზე 15:00 საათზე გავმართავთ აქციას. ვვარაუდობთ, რომ 15 ათასამდე ადამიანი   მონაწილეობას მიიღებს  ჩვენს მიერ დაანონსებულ აქციაში. თუმცა შესაძლოა, მეტი ადამიანი მოვიდეს. ამით, ჩვენ ვამბობთ იმას, რომ არამარტო მეორე,  პოლიტიკური ძალა ვართ ქვეყანაში,  არამედ არის რეგიონები სადაც ჩვენი რეიტინგი გაცილებით უფრო  მაღალია ვიდრე „ქართული ოცნების“ რეიტინგი.  თამამად შეიძლება ეს  ითქვას აჭარაზე და გურიაზე. ამ აქციას რამდენიმე მიზანი აქვს: პირველი,  აჭარის პრობლემეტიკას ეხება, რაც აუცილებლად წინა პლანზე იქნება წამოწეული, ხოლო მეორე ეს აქცია საშუალებას მისცემს პოლიტიკურ სპექტრსაც, ჩვენს უცხოელ პარტნიორებსაც,  საზოგადოებასაც ვაჩვენოთ რამდენი ვართ ჩვენ სინამდვილეში, იმისთვის, რომ 8 ოქტომბერს ვერავინ ვერ გაბედოს არჩევნების გაყალბება“,-განაცხადა ინაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ