საქართველოს ერთ დღიანი ვიზიტით თურქეთის რესპუბლიკის სახმელეთო ჯარების სარდალი სტუმრობს. ბრიგადის გენერალი სალიჰ ზაქი ჩოლაქი დღეს საქართველოს შეიარაღებული ძალების გენერალური შტაბის უფროსმა, გენერალ-მაიორმა ვახტანგ კაპანაძემ მიიღო.

როგორც "ექსპრესნიუსს" თავდაცვის სამინისტროდან აცნობეს, შეხვედრაზე მხარეებმა მატერიალურ-ტექნიკური დახმარების საკითხები განიხილეს. საუბარი ასევე განათლების სფეროში თანამშრომლობის პერსპექტივებს შეეხო. თურქეთის შეიარაღებული ძალების წარმომადგენლებთან ასევე განიხილეს საერთაშორისო მისიები და ტერორიზმთან ბრძოლის ერთობლივი შესაძლებლობები.

„სახმელეთო ჯარების სარდლის სტუმრობა საქართველოში ძალიან ნიშანდლობლივია. ეს არის კიდევ ერთი გამოხატულება იმ კურსის უცვლელობისა, რომელიც საქართველოსა და თურქეთის შეიარაღებულ ძალებს შორის არსებობს. გარდა იმისა, რომ ჩვენ სტრატეგიული მეზობლები და მოკავშირეები ვართ, მხარდამხარ ვიბრძვით მსოფლიო ტერორიზმის წინააღმდეგ. თურქი სამხედროების დახმარება ქართველი სამხედროებისთვის მნიშვნელოვანი და აუცილებელია. მას ძალიან ღრმა ფესვები აქვს. ჩვენ მიგვაჩნია, რომ მსგავსი ვიზიტები კიდევ ერთხელ ხაზს უსვამს და ადასტურებს მხარდაჭერას, რომელიც საქართველოს თურქეთის, როგორც ერთ-ერთი ნატოს წევრი ქვეყნის მხრიდან გააჩნია“ - აღნიშნა ვახტანგ კაპანაძემ.  

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.

დათუნაშვილი - სამშობლოს ღალატში გამოწრთობილი ხელისუფლება მორიგ მოღალატეობრივ აქტს სჩადის