საქართველოს ყოფილი პრემიერ-მინისტრის ბიძინა ივანიშვილის შფასებით, სოფელ ჭელაში მინარეთის დემონტაჟის ირგვლივ განვითარებული მოვლენები, მთავრობის მიმართ მოწყობილი პროვოკაცია იყო.

ამის შესახებ ივანიშვილმა სამცხე-ჯავახეთში განაცხადა, სადაც GDS-ის ახალი სატელევიზო პროექტის ფარგლებში, რეგიონულ შეხვედრებს მართავს:

"მე ვფიქრობ, მართლაც პროვოკაცია იყო. ამ ბოლოს აღარ დავინტერესებულვარ, რადგან ხმაური მიწყნარებულია და დალაგებულია ყველაფერი. ზოგადად ამ საკითხის პროვოცირება ხშირად ხდებოდა.წელიწადში ორჯერ დაგეგმილი ჰქონდათ, ორივე ნაწილს თვითონ "ნაციონალური მოძრობა" აფინანსებდა, მუსლიმებისა და ქრისტიანების დაპირისპირება მეჩეთის მშენებლობასთან დაკავშირებით. ბოლო 2 წელიწადში სერიოზული ხმაური არ გამიგია. მოხეში ხმაური ვიცი, რომ იყო, ეს არის ისეთი კონფლიქტი, რომელიც გასატანი არ არის არსად. მეზობლებში ხდება, ოჯახში ხდება კონფლიქტები ხშირად და თუ გნებავთ, ჩემს უფროს ბიჭთან გუშინ საკმაოდ კარგად ვარჩევდით მე და ჩემი მეუღლე, რაღაცები არ მოგვწონდა. ეს ნორმალუირა. ეს არაა ის, რასაც გვაჩვენებდნენ, რომ მასიური დაპირისპირება ხდებოდა. აჩვენებდნენ მსოფლიოს, როგორი ველურები არიან ქართველები, რომ მართლმადიდებლობის, ქრისტიანობის გარდა სხვა რელიგია მათ არ ესმით და ტოლერანტობა არ გააჩნიათ, და მხოლოდ "ნაციონალურ მოძრაობას" ხელეწიფება, ეს ხალხი 20-30 წლის განმავლობაში ჭკუაზე მოიყვანოს",-აღნიშნა ბიძინა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მზია ამაღლობელმა საკუთარი პრინციპულობითა და შეუპოვრობით კიდევ ერთხელ გააშიშვლა ოცნების ავტორიტარული სისტემის რეალური სახე -მედიის ადვოკატირების კოალიცია

მდინარე ხობისწყალში დედა-შვილი დაიხრჩო

"საგანძურის მარათონში" ახალი თვე დაიწყო - ახალი გამარჯვებულები, ₾250 000-იანი საპრიზო ფონდი

WaPo: ტრამპი პენტაგონის ხელმძღვანელისგან ირანთან ომისთვის რაკეტების დეფიციტის შესახებ ახსნა-განმარტებას ითხოვს