2016-09-19 09:54:32, 570 ნახვა
პოლიტიკა
მიხეილ ჯანელიძე გაეროს გენერალური ასამბლეის 71-ე სესიაში მონაწილეობს
საქართველოს საგარეო საქმეთა მინისტრი მიხეილ ჯანელიძე, ქ. ნიუ-იორკში იმყოფება, სადაც გაეროს გენერალური ასამბლეის 71-ე სესიაში მონაწილეობს.
საგარეო უწყების ინფორმაციით, გენერალური ასამბლეის ფარგლებში დაგეგმილია მიხეილ ჯანელიძის ორმხრივი შეხვედრები კოლეგა მინისტრებთან. ასევე დაგეგმილია ცალკეულ ქვეყნებთან ორმხრივი შეთანხმებების გაფორმება.
საგარეო საქმეთა მინისტრი მონაწილეობას მიიღებს სესიის ფარგლებში გაეროს წევრი ქვეყნებისა და გაეროს-ს სხვადასხვა ინსტიტუტების მიერ ორგანიზებულ მაღალი დონის ღონისძიებებში. მინისტრი ასევე შეხვდება გაეროში ევროკავშირის წევრი სახელმწიფოების პოლიტიკურ დირექტორებს, გაეროს ცალკეული ინსტიტუტებისა და სხვადასხვა რეგიონალური ორგანიზაციების ხელმძღვანელებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
