წინაარჩევნო კამპანიის ფარგლებში, „ ქართული ოცნება-დემოკრატიული საქართველოს“ ქალაქ გორის მაჟორიტარი დეპუტატობის კანდიდატი იოსებ მაკრახიძე გორის მუნიციპალიტეტის სოფელ ხელთუბნის მოსახლეობასა და გორში, ვერხვების კომპაქტურ ჩასახლებაში მცხოვრებ დევნილებს შეხვდა.

მაჟორიტარობის კანდიდატმა ამომრჩევლებს სოფლის მეურნეობის,  ჯანდაცვის , განათლების სფეროების ოთხწლიანი გეგმა გააცნო და მოსახლეობასთან ერთად არსებული პროლემების მოგვარების გზებზე  იმსჯელა.

„ ჩვენი ხელისუფლებისთვის დევნილი მოსახლეობისთვის საცხოვრებელი თუ საარსებო პირობების გაუმჯობესება კვლავ პრიორიტეტულ საკითხად რჩება. გასული 4 წლის განმავლობაში , დევნილი ოჯახებისთვის სოციალური პაკეტების განხორციელებაში, ბინის ქირა, ერთჯერადი ფულადი დახმარება და სხვა, სახელმწიფოს მხრიდან 20 მილიონ ლარზე მეტი დაიხარჯა. მომდევნო 4 წლის განმავლობაში დევნილების სოციალური პაკეტების ბიუჯეტი კიდევ უფრო მასშტაბური იქნება.ხელისუფლება გააგრძელებს დევნილთა საცხოვრებელი ფართებით უზრუნველყოფის ეფექტიან პოლიტიკას“,-აღნიშნა მაკრხიძემ დევნილებთან შეხვედრაზე.

მისივე თქმით, ძლიერი გლეხი   ქვეყნის ეკონომიკური განვითარების ერთ-ერთი აუცილებელი ფაქტორია.

„ჩვენი ხელისუფლების მიერ გატარებული სწორი აგროპოლიტიკის შედეგად სოფლის მეურნეობაში უკვე შეიმჩნევა ტენდენციები წარმოების ზრდის, საექსპორტო ბაზრების გაფართოებისა და სოფლის მეურნეობის სექტორში ინვესტიციების მოზიდვის თვალსაზრისით. მცირემიწიანი ფერმერებისთვის ამოქმედდება საყოველთაო აგროდაზღვევის პროექტი, აღარ დარჩება დაუზღვეველი მოსავალი, რაც მოსახლეობას მნიშვნელოვან ზარალს ააცილებს. დაინერგება მორწყვის თანამედროვე სისტემები და 2 00 ათას ჰექტრამდე გაიზრდება მორწყული  მიწის ფართობი“, - განაცხადა იოსებ მაკრახიძემ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი აცხადებს, რომ თუ ირანთან შეთანხმებას 60 დღეში ვერ მიაღწევენ, აშშ დაბომბვას დაუბრუნდება

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო