ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე სამუშაო ვიზიტით ამერიკის შეერთებულ შტატებში იმყოფება, სადაც გაიმართა შეხვედრები აშშ-ს სახელმწიფო დეპარტამენტში, კონგრესსა და სენატში.

დავით ბაქრაძემ ვაშინგტონში ოფიციალური ვიზიტი აშშ-ის კონგრესმენებთან  ადამ კინზინგერთან, მარიო დიაზ ბალარტთან, კონგრესმენ ელბიო საირესთან, მაიკლ ტერნერთან და სტივ ჩაბოსთან შეხვედრებით დაიწყო. სახელმწიფო მინისტრმა ამერიკელ კონგრესმენებს მადლობა გადაუხადა საქართველოს მუდმივი მხარდაჭერისათვის და განსაკუთრებით აღნიშნა აშშ-ის კონგრესის მიერ  საქართველოს ტერიტორიული მთლიანობის მხარდამჭერი რეზოლუციის (H. Res 660) აბსოლუტური უმრავლესობით მიიღება.  მხარეებმა  საქართველოში წინასაარჩევნო გარემოზე ისაუბრეს.

კონგრესმენებმა მოიწონეს მოახლოებული საპარლამენტო არჩევნების ფონზე საქართველოს მთავრობის მიერ პოლიტიკური პარტიებისთვის შეთავაზებული კონკურენტული, გამჭვირვალე და პლურალისტური გარემო. შეხვედრებზე, ასევე, განიხილეს ევროკავშირსა და ჩრდილოატლანტიკურ ალიანსთან ინტეგრაციის პროცესი, საქართველოს მთავრობის მიერ ინიცირებული ოთხ პუნქტიანი რეფორმების პროექტი, რომელიც ქვეყანაში სწრაფ ეკონომიკურ ზრდას ითვალისწინებს, სამართლიანი მმართველობა და ინფრასტრუქტურის განვითარება. 

სახელმწიფო მინისტრი ვიზიტის ფარგლებში, ასევე, არასამთავრობო ორგანიზაციებისა და საერთაშორისო ფონდების წარმომადგენლებს შეხვდა. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი აცხადებს, რომ თუ ირანთან შეთანხმებას 60 დღეში ვერ მიაღწევენ, აშშ დაბომბვას დაუბრუნდება

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო