„რესპუბლიკური პარტიის“ წევრის დავით ბერძენიშვილის განცხადებით, „რესპუბლიკელები“ მზად არიან ივანიშვილი ყველა ტყუილში ამხილონ.

„ჩვენ ეს საუბრები გარეთ არ გამოგვქონდა, სანამ ივანიშვილმა თავად არ დაიწყო შიდა საუბრების გასაჯაროება, თანაც ტყუილების ჩართვით. მოვუწოდებ ივანიშვილს, რომ თუ რაიმეს გახსენებას აპირებს, ჯობს, სიმართლე გაიხსენოს. ყოფილმა პრემიერმა ერთი კუბლაშვილის მეშვეობით მურუსიძე დაიახლოვა, ხოლო მეორე ძმის საშუალებით „გირჩის“ პროექტი განახორციელა და ეს პოლიტიკური ძალა ბურჭულაძესთან მიიყვანა, რაც გიორგი რუხაძემაც დაადასტურა. ჩვენ მზად ვართ ივანიშვილი ყოველ ტყუილში ვამხილოთ. მე ამითი ბედნიერი არ ვარ. მოვუწოდებ ივანიშვილს საკუთარი ინტერპრეტაცია და შეგნებული ტყუილებით შარშანდელი და იმისწინანდელი ამბების გახსენება შეწყვიტოს. ივანიშვილი პოლიტიკურ ნაბიჯებს „რესპუბლიკელებთან“ ათანხმებდა. შეთანხმებები ხდებოდა ხიდაშელთან, ბერძენიშვილტან, სამნიძესთან და ა.შ. ჩვენი ბევრი შეხვედრ გვქონდა, მაგრამ დეტალები გარეთ არ გამოგვიტანია. ანტიდისკრიმინაციული კანონი, რაც ვიზალიბერალიზაციის გზაზე მნიშვნელოვანი იყო „ოცნებამ“ ივანიშვილის ლექციის მერე დაუჭირა მხარი. ასე, რომ 2015 წელს ივანიშვილმა იცოდა, რომ „რესპუბლიკელების“ გარეშე გაუჭირდებოდა“, - განაცხადა „ექსპრესნიუსთან“ საუბრისას ბერძენიშვილმა.

შეგახსენებთ, რომ რეგიონებში მედიასთან შეხვედრისას ბიძინა ივანიშვილმა „რესპუბლიკელები“ არაერთხელ გააკრიტიკა. მისი განცხადებით, „რესპუბლიკური“ პარტია არასახელმწიფოებრივად მოაზროვნე პოლიტიკური სუბიექტია, რომლის ინტერესებიც ხშირად „ნაციონალური მოძრაობის“ მოსაზრებებს ემთხვეოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ