დღევანდელი მდგომარეობა შედეგია არა იმისა, რომ „რესპუბლიკური პარტია“ შეიცვალა, პარტიას აღმოაჩნდა სხვა ღირებულებები ან თვისებები, არამედ იმიტომ, რომ "ოცნებამ" და ივანიშვილმა გაუხვიეს სხვაგან, - ამის შესახებ პარლამენტის თავმჯდომარემ დავით უსუფაშვილმა ჟურნალისტებთან შეხვედრისას განაცხადა.

უსუფაშვილის თქმით, „ქართულმა ოცნებამ“ როდესაც სხვაგან გაუხვია, „რესპუბლიკური პარტია“ აღარ გაჰყვა. ამასთან, მისივე განცხადებით, ყოფილი პრემიერი „ქართულ ოცნებაში“ დიდი ხნის განმავლობაში იყო „რესპუბლიკური პარტიის“ ყველაზე კარგი პარტნიორი.

„დავიწყოთ იქიდან, რომ ბიძინა ივანიშვილი კოალიცია „ქართულ ოცნებაში“ ძალიან დიდი ხნის განმავლობაში იყო ყველაზე უკეთესი პარტნიორი „რესპუბლიკური პარტიის“. იმიტომ, რომ 2011 წელს, როდესაც მან პოლიტიკაში შემოსვლის თაობაზე განაცხადი გააკეთა და მან თქვა, რომ რესპუბლიკელებთან, „თავისუფალ დემოკრატებთან“ მინდა თანამშრომლობა, ჩვენ მაშინ გვქონდა ძალიან საფუძვლიანი საუბარი ყველაფერზე მრავალპარტიულ დემოკრატიაზე, საპარლამენტო სისტემაზე, ქვეყნის საგარეო ორიენტაციაზე, თვითმმართველობაზე, ღირებულებებზე, ადამიანის უფლებებზე და მართლაც, დიახ, ჩვენ ძალიან სერიოზული პარტიორობა გვქონდა, როდესაც თვითმმართველობის რეფორმა გავატარეთ და არავის არ უნდოდა ეს, იშვიათი გამონაკლისის გარდა, თავად კოალიციაში, როდესაც ანტიდისკრიმინაციულ კანონს ვიღებდით, როდესაც ძალიან ბევრ სხვა გადაწყვეტილებას ვიღებდით. ამიტომ, ეს ყველაფერი იყო და ჩვენ ძალიან პროდუქტიულად ვთანამშრომლობდით გარკვეული პერიოდი. ამასთანავე, ჩვენ ძალიან კარგად გვესმოდა, რომ 2012-2016 წლების პარლამენტი და ზოგადად, ხელისუფლება, ეს იყო სააკაშვილის რეჟიმთან ბრძოლის პროცესში მოსული ხელისუფლება და ჩვენ 2016 წლიდან ვხედავდით წინ მომავალს, რომელიც უნდა ყოფილიყო გაცილებით სხვანაირი, გაცილებით სხვა პრინციპებზე აგებული, მათ შორის, სახელისუფლებო გუნდი და ასე შემდეგ. და ამიტომ, მე იმასაც შეგახსენებთ, რომ ეს იყო 2016 წლის მარტი, როდესაც გიორგი კვირიკაშვილმა და რესპუბლიკელებმა ხელი ჩამოვართვით ერთმანეთს ორპარტიულ სტრატეგიულ თანამშრომლობაზე არჩევნებამდეც და არჩევნების შემდეგაც. იმიტომ, რომ ჩვენ მივყვებოდით იმ პროგრამას და იმ დებულებებს, იმ ხედვებს, რომლებზეც მანამდე ვმუშაობდით“, - განაცხადა უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ