საქართველოს ყოფილი პრემიერ-მინისტრის ბიძინა ივანიშვილის განცხადებით, "ქართულ ოცნებას" დღეს  ალტერნატივა არ ჰყავს.  თუმცა, GDS-ის ახალ გადაცემაში, სადაც სტუმრის სტატუსით მონაწილეობს, ივანიშვილს წამყვანმა კითხვა დაუსვა- რომ არა "ქართული ოცნება", რომელი პარტიაა მისი მეორე არჩევანი.

ივანიშვილის თქმით, მისი მეორე არჩევანი "თავისუფალი დემოკრატები" არიან, თუმცა ადრე მისი ფავორიტი პარტია "რესპუბლიკური" იყო. ივანიშვილმა ის მიზეზებიც განმარტა, რის გამოც "რესპუბლიკური პარტია" უკანა პლანზე გადასწია:

"მეორე არჩევანია კოალიციის წევრები, ვინც ჩვენი პარტნიორები იყვნენ.კრიტიკის მიუხედავად. მე ასეთი კაცი ვარ, ახლობელს მეტი უნდა ვუთხრა პირში და ისედაც.რაც არ მიღქვამს მათთვის პირად საუბარში, არ მითქვამს საჯაროდ. მათ მოუწიათ მეტი  კრიტიკა. კიდევ გავაგრძელებ  "რესპუბლიკლების" კრიტიკას, კიდევ დამრჩა რაღაც სათქმელი. ისინი გამიკრიტიკებია ერთი მიზეზით, როდესაც "რესპუბლიკელები" მიმანიშნებენ, რომ მრავალპარტიულობის მომხრე ვიყავი და მიმართულება შევიცვალე, სწორედ ამის გამართლებას ვაპირებდი, რომ ბევრჯერ მითქვამს, მსურს ყველა პარტია განვითარდეს, რომ მეტი არჩევანი შეეძლოს ხალხს. მათი მხარდაჭერა ვერ შევძელი, რადგან ამ პარტიების ბევრი ნაკლი გამოჩნდა. განსაკუთრებით ამ ორი პარტიის-რესპუბლიკელების და თავისუფალი დემორკატების. თუ ადრე ვთქვათ რესპუბლიკელებს პირველს ვასახელებდი, ახლა "თავისუფალ დემოკრატებს" დავასახელებდი. "თავისუფალი დემოკრატები" რატომ მირჩევნია "რესპუბლიკელებს",  თუმცაღა ორივეს პირველ რიგში დავასახელებდი, ისინი მხარს უჭერენ ევროატლანტიკურ ინტეგრაციას, კითხვები არ არსებობს ამ კუთხით. "დემოკრატების" ლიდერმა ირაკლი ალასანიამ ბევრი შეცდომა დაუშვა და გუნდის სხვა წევრები მეგობრობას გადაყვნენ, ნაცვლად იმისა, რომ ლიდერის შეცდომები გაესწორებინათ. ალასანიას შეცდომები გუნდმა თავისუფლად გაიზიარა და მეგობრობას გადააყოლა. ნაცვლად იმისა, რომ ალასანიას ჰყოფნოდა ვაჟკაცობა, თავის შეცდომებზე გუნდი არ წამოეყვანა, თვითონ მოიქცა არასწორად. შემდეგ უკვე გუნდი აღარ გადაყვა და შეცდომები აღარ დააშვებინეს.ამიტომ, დღეს "თავისუფალი დემოკრატები" ჩემთვის უფრო ჯანსაღად გამოიყურება. გუნდმა ძალიან ივაჟკაცა. გუნდის ეს პოზიცია ოპტიმიზმს მიტოვებს",-განაცხადა ბიძინა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო

20 ივნისის საქმეზე გიორგი გახარიას წინააღმდეგ მაკო გომურმა სასამართლოს ჩვენება მისცა