მე და დიმიტრი ხუნდაძე ერთად ვსწავლობდით ჟურნალისტებთან შეხვედრას, რაც ჩემთვის ყველაზე მძიმე იყო. კამერას რომ ვხედავდი, შაქარი მიწევდა, - ამის შესახებ ყოფილმა პრემიერ-მინისტრმა ბიძინა ივანიშვილმა იმერეთში რეგიონულ მედიასთან შეხვედრისას განაცხადა.

მან ცეზარ ჩოჩელთან დაკავშირებით გაკეთებული განცხადება განმარტა და აღნიშნა, რომ ჩოჩელი იმ მაჟორიტარებში აერია, რომლებიც „ნაციონალური მოძრაობიდან“ შევიდნენ პარლამენტში, შემდეგ კი, „ქართულ ოცნებაში გადავიდნენ.

„ მე ვთქვი, რომ „ნაციონალებიდან“ გადმოსულმა ჩვენმა მაჟორიტარებმა თავისი თავი თვითონ შექმნეს. ცეზარ ჩოჩელი იყო გუბერნატორი და არ ყოფილა იმ ჯგუფში, რომლებიც საარჩევნო სიაში იყვნენ და ჩვენთან გადმოვიდნენ. ჩოჩელი იყო გუბერნატორი, საერთოდ არ ვიცნობ მას და ის ზედმეტად დავახასიათე. ამაზე დიმიტრი ხუნდაძისგან საყვედურიც მივიღე და ნამდვილად შემეშალა. დიმიტრი ხუნდაძე არის ჩემი ერთ-ერთი ფავორიტი. ის იყო ჩემი ოჯახის ექიმი, სამწუხაროდ, ექიმობას ვეღარ ახერხებს. მცხეთასთან დაკავშირებით სულ მეხმარებოდა რჩევებით. საბოლოოდ, ისე აღმოვჩნდით, რომ მცხეთაში კანდიდატის გარეშე დავრჩით და მე ხუნდაძეს იქ მაჟორიტარობა შევთავაზე. ხუნდაძე პოლიტიკაში ასე მოვიდა. ჟურნალისტებთან შეხვედრებსაც ერთად ვსწავლობდით. კამერას რომ ვხედავდი ისე ვნერვიულობდი, შაქარი მიწევდა. ჩოჩელი დამოუკიდებელი კანდიდატია და მე ის გუნდის წევრად დავასახელე და ამერია ჩვენი გუნდის წევრში, გოჩა ენუქიძეში“,-აღნიშნა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ