საქართველოს პრემიერ-მინისტრმა ირაკლი ღარიბაშვილმა პარლამენტის რიგგარეშე სხდომას ფორმალური უწოდა და განაცხადა, რომ მისთვის ის საინტერესო არ არის.

პრემიერმა ეს განცხადება ჟურნალისტის კითხვის საპასუხოდ გააკეთა, რომლის თანახმადაც, მიიჩნევს  თუ არა  მიზანშეწონილად პარლამენტის რიგგარეშე სხდომის ჩატარებას.

ირაკლი ღარიბაშვილის განმარტებით, მისთვის მთავარია, მეტი საქმე გაკეთდეს.

"ჩვენ უნდა ვიყოთ ორიენტირებული ხალხზე,  ადამიანზე. ეს დანარჩენი, ფორმალური მე ვიტყოდი,   ეს ჩემთვის საინტერესო არ არის, ჩემთვის მთავარია, მეტი საქმე გავაკეთოთ, საქმეზე ვიფიქროთ და ხალზე და ჩვენს ქვეყანაზე ვიფიქროთ ყველამ ერთად რაღაც შოუ მასკარადების გარეშე.ვინც არის დაინტერესებული რომ საქმე გააკეთოს, ის ამ საქმეს გააკეთებს, ჩვენ ყოველთვის ღია ვართ, კომუნიკაცია გვაქვს ყველა უწყებასთან, არასდროს უარი არ გვითქვამს არავისთვის რაიმე სახის ინფორმაციის მიწოდებაზე. შესაბამისად,  ჩემთვის გაუგებარია, აბსოლუტურად უინტერესოა ვინ რას მოიწვევს,  ვინ რას გააკეთებს , მთავარია ყველანი უნდა ვიყოთ ორიენტირებული- პრეზიდენტი, პრემიერი, პარლამენტის თავმჯდომარე,  ყველა მინისტრი,  გამგებელი, მერი ადამიანებზე, ჩვენს მოქალაქეებზე, საქმეზე",-განაცხადა ირაკლი ღარიბაშვილმა.

ცნობისთვის, პარლამენტის რიგგარეშე სხდომა პრეზიდენტის მოწვევით პარასკევს უნდა გაიმართოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს