პარტია „ქრთული ოცნება - დემოკრატიული საქართველოს“ წევრის ზაზა ხუციშვილის განცხადებით, მმართველ გუნდს აქვს რეალისტური გათვლები, რომლის თანახმადაც ქვეყანაში 200 000 ახალი სამუშაო ადგილის შექმნა რეალისტურია.

როგორც „ექსპრესნიუსს“ ხუციშვილმა განუცხადა, მას შემდეგ, რაც „ქართული ოცნება“ ხელისუფლებაში მოვიდა, მხოლოდ თბილისის მასშტაბით უმუშევრობა 8%-ით არის შემცირებული.

„მას შემდეგ, რაც „ქართული ოცნება“ ხელისუფლებაში მოვიდა, მხოლოდ თბილისის მასშტაბით უმუშევრობა 8%-ით არის შემცირებული - 120 000 უმუშევრიდან, ამ დროისთვის 96 000 უმუშევარია.  200 000 სამუშაო ადგილის შექმნას ვაპირებთ იმ უდიდესი პროექტებით, რომელთაც პრემიერის თქმით, 5 მილიარდის მოზიდვის პოტენციალი გააჩნია.  4 უდიდესი საგზაო მაგისტრალის მშენებლობა უკვე ითვალისწინებს ძალიან ბევრი ადამიანის დასაქმებას. გარდა ამისა, ჩვენს ხელისუფლებას ბიზნესის მხრიდან არნახული მხარდაჭერა აქვს, რადგან ბიზნესმენები ბატონი გიორგი კვირიკაშვილისა და ბატონი დიმიტრი ქუმსიშვილის კომპეტენციას კარგად ხედავენ. დღეს ბიზნესის განსავითარებლად ყველა პირობაა შექმნილი. არსებობს „სტარტაპებისა“ და „აწარმოე საქართველოში“ პროგრამები და მარტო თბილისში. ამ პროექტების ფარგლებში 10 000 მცირე საწარმო მაინც თუ გამართულად იმუშავებს, ეს უკვე ძალიან რეალური გათვლების გაკეთების საშუალებას გვაძლევს. იმედი მაქვს, თუ 200 000 სამუშაო ადგილის ნაცვლად ეს ციფრი 195 000 იქნება, ამას გართულება არ მოყვება“, - განაცხადა ხუციშვილმა.

შეგახსენებთ, რომ გუშინ საქართველოს პრემიერსი განცხადებით, „ქართული ოცნება“ შემდგომი ოთხი წლის განმავლობაში განახორციელებს ძირეულ რეფორმებს, რომლებიც უზრუნველყოფს ეკონომიკის სწრაფ განვითარებას და თითოეული ოჯახის კეთილდღეობის ამაღლებას 200 ათასი ახალი სამუშაო ადგილის შექმნითზაზა ხუციშვილი: 200 000 სამუშაო ადგილის შექმნას ვაპირებთ იმ უდიდესი პროექტებით, რომელთაც პრემიერის თქმით, 5 მილიარდის მოზიდვის პოტენციალი გააჩნია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ