გიორგი მარგველაშვილს ვთვლი ჩემ ყველაზე დიდ შეცდომად, - ასე უპასუხა ყოფილმა პრემიერ-მინისტრმა ბიძინა ივანიშვილმა ჟურნალისტის კითხვას მთავრობის დაკომპლექტებასთან დაკავშირებით.

ყოფილი პრემიერის განცხადებით, პრეზიდენტი დიამეტრულად იცვლის ხასიათს თინეიჯერის დონეზე, „სწორედ ამიტომ, გიორგი მარგველაშვილი არის უხეში გადაცდომა, რომელსაც წინასწარ ვერ განსაზღვრავ.“

„ბოდიში მოვიხადე საზოგადოების წინაშე. არ მინახავს ამ ხნის კაცი დიამეტრულად იცვლიდეს ხასიათს თინეიჯერის დონეზე. ეს კაცი საკუთარ თავთან გარკვევაშია. ეს მისი პრობლემაა, რომელიც ვერ გავითვალისწინე. როდესაც გამოაცხადა, რომ ივანიშვილთან არის დაპირისპირებაში და ამ სასახლეში იმიტომ შევიდა, ეს ასე არ არის, ის საკუთარ თავთან არის დაპირისპირებაში“, - აღნიშნა ივანიშვილმა.

მისივე შეფასებით, ღარიბაშვილი იყო ძალიან კარგად შერჩეული, ასევე ნარმანიაც.

„ღარიბაშვილი ღირსეულად წავიდა პოსტიდან და ვთვლი, რომ შეცდომა არ დამიშვია. რაც შეეხება ნარმანიას, ის არის ძალიან მეთოდური, განათლებული, კარგი მენეჯერი. შეადარეთ ერთმანეთს როგორ იმართება თბილისი ახლა და როგორ იმართებოდა 2012 წლამდე.

„ნაციონალურმა მოძრაობამ“ თემის აგორება მაინც მოახერხა. ნატა ფერაძე არის „ნაციონალური მოძრაობის“ სახე. ეს ადამიანები ნარმანიას კარვებს უდგავენ. თბილისი არის რთული სამართავი და ნარმანიას დროს გაიზარდა. ჩემი დამოკიდებულება თუ გნებავთ, არც ნარმანია არის უნაკლო. კომუნიკაციის პრობლემები აქვს, მაგრამ ზოგად სტანდარტებს იცავს, არავის უთქვამს, რომ თუნდაც კორუფციაშია შემჩნეული, გარდა ნატა ფერაძესი და მსგავსი ადამიანებისა“, - განაცხადა ივანიშვილმა.

ყოფილი პრემიერის ინფორმაციით, დღევანდელ გუნდს რა თქმა უნდა კვირიკაშვილი, კალაძე, კობახიძე და სხვები აკომპლექტებენ.

„მე მონაწილეობას დაკომპლექტებაში არ ვიღებ. არც ერთი მაჟორიტარი ჩემი დასახელებული არ არის. 2-3 კაცზე მივეცი რეკომენდაცია, ისიც მხოლოდ 1 გაითვალისწინეს“, - აღნიშნა მან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოკუჩავა: პრეზიდენტ სააკაშვილის პოსტი უცნაურია, მსგავსმა იმპულსურმა გადაწყვეტილებებმა მიგვიყვანა იქამდე, სადაც ვართ

ევროპარლამენტმა საქართველოზე კრიტიკული ანგარიში მიიღო

საქართველოში დიდი ბრიტანეთის ელჩი საგარეო უწყებაში დაიბარეს

სააკაშვილი: ჩემი თავმჯდომარეობის კანდიდატი არის ნანუკა ჟორჟოლიანი