მე უსუფაშვილს შევთავაზე „რესპუბლიკელების“ დატოვება და კიდევ კარგი არ გამოვიდა. მან საკუთარი ბოლო გამონათქვამებით დამარწმუნა, რომ ჭარბი რესურსი არ ჰქონდა. ღმერთმა დამიფაროს მე უსუფაშვილის კონკურენტი ვიყო, - განაცხადა ყოფილმა პრემიერ-მინისტრმა ბიძინა ივანიშვილმა სამეგრელოში ჟურნალისტებთან შეხვედრისას.

ყოფილი პრემიერის განცხადებით, „რესპუბლიკელები“ მის მიერ ნათქვამ 1%-იან რეიტინგზე გაღიზიანდნენ, „თუმცა რეალურად ყველა კვლევაში, 1%-ზე დაბალი რეიტინგი აქვთ“.

“იმის მაგალითი, რომ მათ რესურსი არ აქვთ მარგველაშვილიც მაგალითზეც შეგვიძლია ვთქვათ. როდესაც მარგველაშვილი პრეზიდენტის სასახლეში შევიდა, მე ვესაუბრე უსუფაშვილს და მას არგუმენტიც კი არ დარჩა, რომ უნდა გვეთქვა, რომ ეს უკანონობაა და მარგველაშვილი წელიწადში დამატებით 10 მილიონ ლარს ხარჯავს. მიუხედავად ამისა, უსუფაშვილი გამოვიდა და მარგველაშვილის ეს საქციელი „გააპრავა“. ის ეძებდა დამატებით რესურს მარგველაშვილის სახით და როგორი რესურსით იპოვა ვნახეთ. დავით ბერძენიშვილი იმით ამაყობდა, რომ ის მარგველაშვილს არ აკრიტიკებდა. ყველაზე დიდი უნიჭობა, რაც მათ გამოავლინეს - ნაცვლად იმისა, რომ ხელისუფლების მიღწევები მიიწერონ თავადაც, ისინი ხელისუფლებას აკრიტიკებენ. მე უსუფაშვილს შევთავაზე „რესპუბლიკელების“ დატოვება და კიდევ კარგი არ გამოვიდა. მან საკუთარი ბოლო გამონათქვამებით დამარწმუნა, რომ მას ჭარბი რესურსი არ ქონდა. ღმერთმა დამიფაროს მე უსუფაშვილის კონკურენტი ვიყო. 1%-ზე რომ გაღიზიანდნენ მათ ყველა კვლევაში უფრო დაბალი რეიტინგი აქვთ. თუმცა, ეს ის პარტია არაა, რომ ხალხს ვუთხრა - მათ ხმა არ მისცეთ-თქო“, - განაცხადა ივანიშვილმა.

შეგახსენებთ, რომ ივანიშვილი GDS-ის ახალ გადაცემაში სტუმრის სტატუსით მონაწილეობს და ამჯერად, სამეგრელოს  რეგიონის მედიის შეკითხვებს პასუხობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ