ოპონენტებს უნდათ, რომ ქვეყნიდან წავიდე და ის ძველი ტაშფანდურა დააბრუნონ, - ასე უპასუხა საქართველოს ყოფილი პრემიერ-მინისტრი ბიძინა ივანიშვილი ჟურნალისტის კითხვას, აპირებს თუ არა არჩევნების შემდეგ პოლიტიკიდან წასვლას.

როგორც ყოფილმა პრემიერმა აღნიშნა, ის პოლიტიკიდან თავის დროზე საკმაოდ ღირსეულდ წავიდა.

„პოლიტიკიდან მე წავედი და ჩემი აზრით საკმაოდ ღირსეულად, მიუხედავად იმისა, რომ ბევრი პოლიტიკოსი უსაფუძვლო კითხვებს სვამს. ისე ღირსეულად წავედი, რომ ალბათ მსოფლიო პოლიტიკის ისტორიაში ასეთი წასვლას ვერ ნახავთ.  ოპონენტები ოცნებობენ, რომ წავიდა თუმცა არა პოლიტიკიდან არამედ ქვეყნიდან. რასაც ისინი წასვლას ეძახიან, ეს წასვლა არ შედგება. მე ვარ ჩვენი ქვეყნის მოქალაქე და ამ ქვეყნიდან წასვლას არ ვაპირებ. ჩემ ქვეყანას დასჭირდა და ყველაფერი გავწირე, გადავდე, გავუშვი ის მოძალადე ხელისუფლება და დავტოვე პოლიტიკა. ვაჩვენე ყველას, რომ ეს არ იყო ჩემი პირადი ამბიცია. არ მინდოდა თანამდებობის დაკავება“, - განაცხადა ივანიშვილმა.

ამასთან, ბიძინა ივანიშვილმა მოსახლეობას მოუწოდა არჩევნებზე მივიდნენ და სასურველ პარტიას და პოლიტიკოსს ხმა მისცენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ