სესიაშვილი: აშშ-ს მიერ საქართველოს მხარდამჭერი რეზოლუციის მიღება, საერთაშორისო საზოგადოების მობილიზებისთვის დამატებითი ძალაა

2016-09-08 11:54:32, 696 ნახვა

პოლიტიკა

თავდაცვისა და უშიშროების კომიტეტის თავმჯდომარის ირაკლი სესიაშვილის განცხადებით, აშშ-ს მიერ, საქართველოს მხარდამჭერი რეზოლუციის მიღება დამატებითი ძალაა იმისათვის, რომ საერთაშორისო საზოგადოების მობილიზება მოახდინონ.

„ჩვენმა ქვეყანამ ბოლო წლებში განსაკუთრებით მიაღწია იმ ძალიან მტკიცე სტაბილურობას, რაც მათ შორის გამოიხატება საერთაშორისო საზოგადოების მხრიდან ჩვენი ქვეყნის მხარდაჭერაში. რუსეთთან ურთიერთობის მიმართულებით ოკუპაცია მიუღებელია ჩვენი ქვეყნისთვის და საერთაშორისო საზოგადოებისთვის. აქ ჩვენ ყველა ერთნი ვართ, ძალიან მტკიცე და პრინციპულები. ამიტომ, აშშ-სგან ასეთი რეზოლუციის მიღება ჩვენთვის დამატებითი ძალაა იმისათვის, რომ ჩვენი საერთაშორისო საზოგადოების მობილიზება, მათი ერთიანი პოზიციის ჩამოყალიბება მოვახდინოთ და ყველამ ერთად ვუთხრათ არა ოკუპაციას“,-აღნიშნა ირაკლი სესიაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან