კვირიკაშვილი: ჩრდილოატლანტიკური საბჭოს ვიზიტის შედეგები ნატო-ს კონკრეტულ გადაწყვეტილებებში აისახება

2016-09-07 19:02:32, 694 ნახვა

პოლიტიკა

საქართველოს პრემიერ-მინისტრის გიორგი კვირიკაშვილის განცხადებით ჩრდილოატლანტიკური საბჭოს წევრების მხრიდან აღიარებული იქნა საქართველოს პროგრესი და ამ პროგრესის დინამიკა აუცილებლად შენარჩუნდება.

როგორც კვირიკაშვილმა ნატო-ს გენერალურ მდივან იენს სტოლტენბერგთან ერთად გამართულ პრესკონფერენციაზე განაცხადა, ჩრდილოატლანტიკური საბჭოს ვიზიტის შედეგები ნატო-ს კონკრეტულ გადაწყვეტილებებში აისახება:

„ საქართველო დაუახლოვდება ჩრდილოატლანტიკურ ალიანსს და მიაღწევს საბოლოო მიზანს - გახდება ნატოს სრულუფლებიანი წევრი. დარწმუნებული ვარ, ამ ვიზიტის შედეგები აუცილებლად ჰპოვებს ასახვას ნატოს კონკრეტულ გადაწყვეტილებებში. ჩვენ კიდევ ერთხელ დიდ მადლობას ვუხდით ჩრდილოატლანტიკური საბჭოს წევრებს ამ უმნიშვნელოვანესი სამიტის საქართველოში ჩატარებისთვის”,-აღნიშნა გიორგი კვირიკაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან