„ზოგიერთის შეფასებით, დიდი დრო დასჭირდა ნატოში გაწევრინებას, თუმცა ეს შეფასებები იმის ბრალია, რომ არასწორი გზავნილები მოდის სხვადასხვა მხრიდან“, - ამის შესახებ ნატოს  გენერალური მდივნის მოადგილემ ალექსანდრ ვერშბოუმ ნატოსა და ევროკავშირის შესახებ  საინფორმაციო ცენტრის გახსნის დროს სიტყვით გამოსვლისას  განაცხადა.

ვერშბოუს განცხადებით ძალიან მნიშვნელოვანია, რომ ნატოს და ევროკავშირის შესახებ მესიჯები საზოგადოებამდე სწორად იყოს მიტანილი.

„ძალიან ბევრმა არ იცის თუ რას აკეთებს ნატო. ეს არ არის მარტო  სამხედრო ალიანსი. ძალიან ბერვ ქართველს აქვს ჩამოყალიბებული აზრი ნატოსა და ევროკავშირის შესახებ.  ნატოს ახსნა ასე რთულია,  დარწმუნებული ვარ, რომ საინფორმციო ცენტრი კარგად გაუძღვება თავის საქმეს და გაზრდის ინფორმაციის მიწოდების დონეს.  ჩვენ პირდაპირ დახმარებას გავუწევთ ამ ცენტრს. პრემიერმა დღეს გვითხრა, რომ ეს ცენტრი იქნება მნიშვნელოვანი ადგილი ბროფინგებისთვის და არაფორმალური შეხვედრებისთვის. კიდევ ერთხელ გილოცავთ ამ არაჩვეულებრივი ცენტრის გახსნას“,- განაცხადა ვერშბოუმ.

ამასთან, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის დავით ბაქრაძის განცხადებით, დიდი პატივია აღნიშნული ცენტრის გახსნა. 

"საინფორმაციო ცენტრი ნატო-ს და ევროკავშირის შესახებ კიდევ უფრო მეტ შესაძლებლობას იძლევა მოსახლეობის ინფორმირებისთვის",-დასძინა ბაქრაძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ

ისრაელის პრეზიდენტმა გადი აიზენკოტს დაავალა მთავრობის ფორმირება