პარლამენტის თავდაცვისა და უშიშროების კომიტეტის თავმჯდომარის ირაკლი სესიაშვილის განცხადებით, უსუფაშვილმა და მისმა მეუღლემაც კარგად იციან, რომ საქართველოში ნატო-ს სამხედრო ბაზების განლაგებაზე განცხადების გაკეთება, საქართველოს მთავარი პარტნიორისთვის - ამერიკისთვის სიურპრიზია.

„პირველ რიგში, ჩვენ თავდაცვის სფეროში ამერიკის შეერთებულ შტატებთან პარტნიორობის სრულიად ახალ ეტაპზე ვართ გადასული. მემორანდუმის იმპლიმენტაციის საკითხებით ვხელმძღვანელობთ, რათა მთლიანად რეგიონისა და გლობალური უსაფრთხოების საუკეთესო ფორმა შევარჩიოთ. აქ ჩვენს სურვილებზე არაა საუბარი, აქ საუბარია რეგიონალურ და გლობალურ უსაფრთხოებაზე. რაც შეეხება უსუფაშვილის განცხადებას - ვფიქრობ, ბატონი დავითი რეალობას კარგად ფლობს. ჩვენ ნატო-ტან და შეერთებულ შტატებთან ინტენსიური დიალოგი გვაქვს. თამამად შეგვიძლია ვთქვათ, რომ აშშ ჩვენი ნატო-ში ინტეგრაციის პროცესის მთავარი მხარდამჭერია. არ მგონია, რომ ჩვენს პარტნიორებს სიურპირზებს უნდა ვუკეთებდეთ და ასეთ ღია განცხადებებს ვაკეთებდეთ. უსუფაშვილის განცხადება კი არის სურპიზი თავად შეერთებული შტატებისთვის, რაც ძალიან კარგად იცის მანაც და მისმა მეუღლემაც. ამიტომ ჩვენ ჩვენს პარტნიორებს სიურპიზებით არ ვხვდებით. მით უმეტეს, იმ ფონზე, როდესაც ნატო არის საქართველოში“, - აცხადებს „ექსპრესნიუსთან“ საუბრისას „ქართული ოცნების“ წევრი.

შეგახსენებთ, რომ დავით უსუფაშვილმა გადაცემა "არჩევანში" განაცხადა, რომ .საქართველოში აშშ-ის სამხედრო ბაზა უნდა განთავსდეს, და ეს ქვეყნისთვის  სასიცოცხლოდ მნიშვნელოვანია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ

ისრაელის პრეზიდენტმა გადი აიზენკოტს დაავალა მთავრობის ფორმირება