საიდან მოვიდა ინფორმაცია 12-ე კლასის გაუქმების შესახებ არ ვიცი, - ასე უპასუხა ჟურნალისტის კითხვას საქართველოს განათლების მინისტრმა ალექსანდრე ჯეჯელავამ მე-12 კლასის გაუქმების შესახებ გავრცელებულ ინფორმაციასთან დაკავშირებით.

როგორც განათლების მინისტრმა აღნიშნა, საქართველოში სკოლის სტრუქტურა აბსოლუტურად ინდეტური რჩება.

„ერთადერთი რაც განიხილება, არის ის, რომ ბოლო 2 კლასი იყოს გაძლიერებული უმაღლესისთვის მოსამზადებლად. ანუ როგორც კოლეჯია, გიმნაზიაა ბევრ ქვეყანაში. ფაქტიურად მე-10 კლასის ჩათვლით არის სკოლა ჩვეულებრივი, რომელიც ცხოვრებისთვის ამზადებს, ანუ ზოგადი უნარები ყველა მიმართულებით, და მე-11, მე-12 კლასში თუ ჟურნალისტობას აპირებთ, უკვე კონცენტრირდებით ჟურნალისტიკაზე ჩასაბარებლად, თუ ქიმიკოსობას აპირებთ ქიმიაზე. საუბარია სპეციალიზებულ, კონცენტრირებულ ბოლო 2 კლასზე, გაუქმებაზე საუბარი არ არის არც ერთ შემთხვევაში“, - განაცხადა ჯეჯელავამ.

ჯეჯელავას განმარტებით, სკოლის პირველი 2 საფეხური სავალდებულოა, თუმცა ბოლო ორი წელი, ანუ მესამე საფეხური სავალდებულოდ არ ითვლება.

„გაძლიერებული სწავლება აქამდეც იყო. ვთქვათ კომაროვის სკოლა, ვეკუას სკოლა, სწორედ ამის მცდელობა იყო საბჭოთა დროს. ჩვენ გვინდა ეს მიმართულება გავაძლიეროთ, რომელიც ნიჭიერ, კარგ ბავშვებს ამზადებს იმ კონკრეტული მიმართულებით წარმატებისთვის. წელსაც იქნება ამ მიმართულებით ცალკეულ სკოლებში გაძლიერების ხელშეწყობა. ჩვენ გვინდა, რომ თითოეული მიმართულებით ხელი შევუწყოთ ამ სკოლებს, რომლებიც ბოლო კლასში თავის ბავშვებს ისეთ სწავლას მოუწყობენ, რომელიც რეპეტიტორის საჭიროებას მოხსნის მინიმუმ ამ ბავშვებისთვის. შემდეგ წლებში ჩვენ იმედი გვაქვს ამ ბოლო 2 კლასის გაძლიერების მეთოდით რეპეტიტორის საჭიროება ნელ-ნელა გავა სცენიდან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რატი იონათამიშვილი – ხალხი, ვინც დღეს კრიმინალზე პროპაგანდას ავრცელებს, რეალურად წარმოადგენს წინა ხელისუფლებას, რომლის დროსაც კატასტროფული სიტუაცია იყო

ეკა კუპატაძე – ბრძოლის სერიოზული ეტაპი ჯერ კიდევ გასავლელი გვაქვს, თუმცა მაინც შეიძლება ვთქვათ, რომ სამართალი აღდგა

კახა კახიშვილი - თითქმის მთელი ქვეყნის ელექტროენერგიის გარეშე დარჩენასთან დაკავშირებით განმარტებამ კითხვებზე პასუხების ნაცვლად, მეტი ეჭვი გააჩინა

ევროკავშირის წარმომადგენლობა - მზია ამაღლობელისთვის განაჩენის გამოტანის წლისთავზე, ევროკავშირი დაუყოვნებლივ გათავისუფლებას მოითხოვს