2016-09-06 16:12:52, 754 ნახვა
პოლიტიკა
უსუფაშვილი: საჭიროების შემთხვევაში პარლამენტი არჩევნებამდე ნებისმიერ დროს შეიკრიბება
პარლამენტის თავმჯდომარის დავით უსუფაშვილის განცხადებით, საჭიროების შემთხვევაში პარლამენტი ნებისმიერ დროს შეიკრიბება.
როგორც უსუფაშვილმა აღნიშნა, პარლამენტი არჩევნების დღემდე სრულფასოვანი საკანონმდებლო ორგანოა.
„გვაქვს პოლიტიკური შეთანხმება,წინა ბიუროს სხდომებზეც გვქონდა ამაზე საუბარი, რომ ამ ერთი თვის განმავლობაში ჩვენ შევიკრიბებით მხოლოდ იმ შემთხვევაში თუ ამისი კონკრეტული საჭიროება იქნება. სხვა შემთხვევაში, ხვალინდელი სხდომით პლენარულ სხდომებს დავასრულებთ. კიდევ ერთხელ გავიმეორებ, არჩევნების დღემდე პარლამენტი სრულფასოვანი საკანონმდებლო ორგანოა“,-განაცხადა უსუფაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
