საქართველოს საპატრიარქო ორგანიზაცია ,,იდენტობის,, წევრებისა და ყოფილი ხელმძღვანელის მიერ სოციალური ქსელის მეშვეობით,  საშობაო ეპისტოლეს შეფასებასა  და "იდენტობის" ოფისთან ხვალ  დაგეგმილ აქციას ეხმაურება.

როგორც საპატრიარქოს განცხადებაშია ნათქვამი, ორგანიზაცია ,,იდენტობის,, წევრებმა და ყოფილმა ხელმძღვანელმა  სრულიად საქართველოს  კათოლიკოს-პატრიარქის საშობაო ეპისტოლეს  აზრი დაამახინჯეს,  რითაც მორწმუნეთა დიდი აღშფოთება გამოიწვიეს.  

გარდა ამისა, საპატრიარქო "იდენტობის" ოფისთან ხვალ დაგეგმილი აქციის ორგანიზატორებს თხოვნით მიმართავს, შობის დღეებში სიმშვიდე შეინარჩუნონ და ღონისძიების ჩატარებისგან თავი შეიკავონ.

"გამოხატვის თავისუფლება დემოკრატიული საზოგადოების ერთ-ერთი მთავარი პრინციპია და ჩვენ მას ვაღიარებთ. მაგრამ აქვე ავღნიშნავთ, რომ ეს თავისუფლება არავის მიერ და, მათ შორის, არასამთავრობო ორგანიზაციის მხრიდან, არ უნდა იქნეს გამოყენებული საზოგადოების რელიგიური გრძნობების შეურაცხყოფისა და  ქვეყანაში სამოქალაქო სიმშვიდის დარღვევისათვის.
 ცნობილი გახდა ასევე, რომ  ხვალ, რამდენიმე არასამთავრობო ორგანიზაცია და მოქალაქეთა ჯგუფი აპირებენ საპროტესტო აქციის გამართვას ორგანიზაცია  ,,იდენტობის,, ოფისთან. 
 გვინდა ყველას მადლობა გადვუხადოთ მხარდაჭერისა და მორწმუნეთა თანადგომისათვის.  მაგრამ შეგახსენებთ, რომ შობის დღეები სიმშვიდისა და სიყვარულის დღეებია. ჩვენ არ უნდა ავყვეთ მავანთა პროვოკაციულ ქმედებებს, რომელთა მიზანი ქვეყანაში დაძაბულობის შექმნაა.  ვაცნობიერებთ რა ამ საშიშროებას, თხოვნით მივმართავთ ორგანიზატორებს, თავი შეიკავონ   ღონისძიების ჩატარებისგან.კიდევ ერთხელ  ყველას მოგიწოდებთ სიმშვიდისა და კეთილგონირებისაკენ",-ნათქვამია საპატრიარქოს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში