2016-08-25 11:40:28, 867 ნახვა
პოლიტიკა
ლევან ბერძენიშვილი: არჩევნების წინ ალასანიასთან ჩვენი შესაძლო გაერთიანება ჭორია
„რესპუბლიკური პარტიის“ წევრი ლევან ბერძენიშვილი „ექსპრესნიუსთან“ საუბრისას მედიაში გავრცელებულ ინფორმაციას ეხმაურება და აცხადებს, რომ „რესპუბლიკური პარტია“ წინასაარჩევნოდ კოალიციის შექმნას არ გეგმავს და მარტო აპირებს არჩევნებში მონაწილეობას.
მისივე თქმით, ალასანიასთან კოალისიის შექმნასთან დაკავშირებით მოლაპარაკებებს არ აწარმოებს.
„ჩვენ „თავისუფალ დემოკრატებთან“ კოალიციის შექმნასთან დაკავშირებით მოლაპარაკებებს არ ვაწარმოებთ - ეს არის ჭორი. საიდან ვრცელდება ეს ინფორმაცია არ ვიცი. ჩვენ 27 მარტს ეროვნულ კომიტეტზე მივიღეთ გადაწყვეტილება, რომ არჩევნებზე მონაწილეობას ცალკე საარჩევნო სუბიექტად მივიღებთ“, - აცხადებს ბერძენიშვილი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
